കൊച്ചി: എയിംസ് മാതൃകയിൽ ഗവ. മെഡിക്കൽ കോളജുകളിൽ ടോട്ടൽ ട്രോമാകെയർ ആരംഭിക്കുമെന്നു മന്ത്രി കെ.കെ. ശൈലജ പറഞ്ഞു. കൂടാതെ ബയോ സേഫ്റ്റി ലവൽ 3 ലാബുകൾ ആരംഭിക്കാനുള്ള പ്രവർത്തനങ്ങൾ സർക്കാർ ഊർജിതമാക്കി. തിരുവനന്തപുരത്തെ ലാബ് ഉടൻ പ്രവർത്തനമാരംഭിക്കും. കോഴിക്കോട് ലാബ് ആരംഭിക്കാൻ കേന്ദ്രസർക്കാർ അനുവാദം നൽകിയിട്ടുണ്ട്. ആലപ്പുഴയിൽ ലാബിനെ കൂടുതൽ ശക്തിപ്പെടുത്തുമെന്നും മന്ത്രി ചടങ്ങിൽ പറഞ്ഞു.
രണ്ടു വർഷത്തിനിടെ പകർച്ചവ്യാധിയിൽ കുറവ് വന്നിട്ടുണ്ട്. ആർദ്രം മിഷൻ വഴി ആരോഗ്യ രംഗത്ത് വലിയ മാറ്റം തന്നെ കൈവരിക്കാൻ സാധിച്ചു. കാൻസർ കണ്ട്രോൾ ബോർഡ്, ക്യാൻസർ രജിസ്ട്രി , ഗവ. സ്ഥാപനങ്ങളിൽ സ്ട്രോക്ക് യൂണിറ്റ് , ടോമ കെയർ പ്രോജക്ട് എന്നിവ രൂപീകരിക്കുന്നതിനുള്ള പ്രവർത്തനം പുരോഗമിച്ചുകൊണ്ടിരിക്കുകയാണ്. ഓഗസ്റ്റ് മാസം 100 ലൈഫ് സേവിംഗ് ആംബുലൻസുകൾ നിരത്തിലിറങ്ങുമെന്നും അവർ കൂട്ടിച്ചേർത്തു.
എയിംസ് മാതൃകയിൽ മെഡിക്കൽ കോളജുകളിൽ ടോട്ടൽ ട്രോമാകെയർ
12:34 AM Jul 24, 2019 | Deepika.com