തിരുവനന്തപുരം: സർഫാസി നിയമം മൂലം സംസ്ഥാനത്തുണ്ടായ സ്ഥിതിഗതികൾ പഠിച്ച് ശിപാർശ സമർപ്പിക്കുന്നതിന് രൂപീകരിച്ച എസ്.ശർമഎംഎൽഎ ചെയർമാനായ നിയമസഭാ അഡ്ഹോക് കമ്മിറ്റിയുടെ യോഗം 25ന് രാവിലെ 11ന് തൊടുപുഴ മുനിസിപ്പൽ ടൗൺ ഹാളിൽ ചേരും.
ജില്ലയിലെ സാമാജികർ, പൊതുജനങ്ങൾ, ജനപ്രതിനിധികൾ, രാഷ്ട്രീയ നേതാക്കൾ, കർഷകസംഘടനാ നേതാക്കൾ, സർഫാസി നിയമം മൂലം ജപ്തി നടപടി നേരിടുന്നവർ, സമരസംഘടനാ പ്രതിനിധികൾ എന്നിവരിൽ നിന്നും ആക്ടിലെ വ്യവസ്ഥകൾ സംബന്ധിച്ച് അഭിപ്രായങ്ങളും നിർദേശങ്ങളും പരാതികളും സ്വീകരിക്കും. സെക്രട്ടറി, കേരള നിയമസഭ, വികാസ് ഭവൻ.പി.ഒ, തിരുവനന്തപുരം-33 എന്ന വിലാസത്തിൽ തപാൽ മുഖേനയും table@niyamasbha.nic.in എന്ന ഇ മെയിൽ വിലാസത്തിലും നിയമസഭാ സെക്രട്ടറിക്ക് സമർപ്പിക്കാം.
സർഫാസി നിയമം: നിയമസഭാ കമ്മിറ്റി യോഗം 25ന് തൊടുപുഴയിൽ
12:44 AM Jul 19, 2019 | Deepika.com