കൊച്ചി: സംസ്ഥാനത്ത് വിദ്യാർഥി സംഘടനകൾ നടത്തുന്ന വിദ്യാഭ്യാസ ബന്ദും ക്ലാസ് ബഹിഷ്കരണവും നിരോധിക്കണമെന്നാവശ്യപ്പെട്ട് കൊല്ലം ജില്ലയിലെ സിബിഎസ്ഇ, ഐസിഎസ്ഇ സ്കൂളുകളുടെ കൂട്ടായ്മ സമർപ്പിച്ച ഹർജിയിൽ സംസ്ഥാന സർക്കാരടക്കമുള്ള എതിർ കക്ഷികൾക്കു നോട്ടീസ് നൽകാൻ ഹൈക്കോടതി ഉത്തരവിട്ടു.
കൊല്ലം ജില്ലയിലെ വിദ്യാഭ്യാസ ബന്ദുമായി ബന്ധപ്പെട്ട് സർക്കാർ വിശദീകരണം നൽകണമെന്നും ചീഫ് ജസ്റ്റീസ് ഋഷികേശ് റോയ് ഉൾപ്പെട്ട ഡിവിഷൻ ബെഞ്ച് നിർദേശിച്ചു. എസ്എഫ്ഐ, കെഎസ്യു, എബിവിപി, എഐഎസ്എഫ് തുടങ്ങിയ വിദ്യാർഥി സംഘടനകൾക്കും കോടതി നോട്ടീസ് അയച്ചിട്ടുണ്ട്.
വിദ്യാഭ്യാസ ബന്ദും ക്ലാസ് ബഹിഷ്കരണവും നിരോധിക്കണമെന്ന ഹർജിയിൽ വിശദീകരണം തേടി
12:31 AM Jul 17, 2019 | Deepika.com