ഗാന്ധിനഗർ: റെയിൽവേ ട്രാക്കിൽ മരിച്ച നിലയിൽ കണ്ടെത്തിയയാളെ തിരിച്ചറിഞ്ഞു. പുതുപ്പള്ളി ഇരവിനെല്ലൂർ പുത്തേട്ട് ലാലു(63)വാണു മരിച്ചത്. ഞായറാഴ്ച രാവിലെ 11ന് കുമാരനെല്ലൂർ റെയിൽവേ മേൽപ്പാലത്തിനു സമീപം മരിച്ചനിലയിൽ കണ്ടെത്തിയത്. ഗാന്ധിനഗർ പോലീസ് നടപടി പൂർത്തിയാക്കിയ ശേഷം മൃതദേഹം മെഡിക്കൽ കോളജ് മോർച്ചറിയിലേക്കു മാറ്റിയിരുന്നു. ഇതിനിടയിൽ കുമാരനല്ലൂരിലുള്ള ഒരാൾ ലാലുവിനെ തിരിച്ചറിയുകയും ബന്ധുക്കളെ വിവരം അറിയിക്കുകയും ചെയ്തു.
രാത്രിയായിട്ടും ലാലുവിനെ കാണാതിരുന്നതിനെത്തുടർന്ന് മക്കൾ അന്വേഷിച്ചു കൊണ്ടിരിക്കുന്നതിനിടയിലാണ് മരണവിവരമറിയുന്നത്. ഉടൻ തന്നെ ബന്ധുക്കൾ മോർച്ചറിയിലെത്തി മൃതദേഹം തിരിച്ചറിഞ്ഞു. ഇന്നലെ പോസ്റ്റ്മോർട്ടത്തിനു ശേഷം മൃതദേഹം ബന്ധുക്കൾക്കു വിട്ടുകൊടുത്തു. സംസ്കാരം നടത്തി. ഭാര്യ: ഷേർളി മക്കൾ: അരുണ്, ശരണ്യ മരുമകൻ: രഞ്ചു.
റെയിൽവേ ട്രാക്കിൽ മരിച്ചത് ഇരവിനെല്ലൂർ സ്വദേശി
12:59 AM Jul 02, 2019 | Deepika.com