ആലുവ: രാജ്കുമാറിന്റെ കസ്റ്റഡി മരണവുമായി ബന്ധപ്പെട്ട് ഉന്നതോദ്യോഗസ്ഥർക്ക് വീഴ്ചയുണ്ടെന്നു കണ്ടെത്തിയാൽ നടപടിയുണ്ടാകുമെന്ന് ഡിജിപി ലോക്നാഥ് ബെഹ്റ. ഐജി സംഭവസ്ഥലം സന്ദർശിച്ചു, പ്രത്യേക അന്വേഷണസംഘം രൂപീകരിച്ചിട്ടുണ്ട്.
എഡിജിപി അന്വേഷണസംഘത്തിനു നേതൃത്വം നൽകും. കസ്റ്റഡിയിലെടുക്കാൻ കാരണമായ സാമ്പത്തിക ഇടപാടുകളടക്കം എല്ലാക്കാര്യങ്ങളും അന്വേഷണസംഘം വിശദമായി പരിശോധിക്കും. ജൂലൈ 10നകം റിപ്പോർട്ട് തരാൻ നിർദേശിച്ചിട്ടുണ്ടെന്നും ഡിജിപി ആലുവയിൽ മാധ്യമ പ്രവർത്തകരോടു പറഞ്ഞു.
കസ്റ്റഡി മരണം: വീഴ്ച കണ്ടെത്തിയാൽ നടപടി-ഡിജിപി
01:08 AM Jun 30, 2019 | Deepika.com