തൊടുപുഴ: ജോസ് കെ. മാണി വിഭാഗം കോട്ടയത്തു വിളിച്ചു ചേർത്ത യോഗത്തിൽ പങ്കെടുക്കാത്തവരുടെ പേര് മിനിട്സിൽ ഏഴുതി ചേർത്ത് വ്യാജമായി ഒപ്പിട്ടെന്ന് ആരോപിച്ചു ജോസ് കെ. മാണി എംപിക്കെതിരെ തൊടുപുഴ പോലീസ് സ്റ്റേഷനിൽ പരാതി.
കേരള കോണ്ഗ്രസ്-എം സംസ്ഥാന കമ്മിറ്റിയംഗം ഫിലിപ്പ് സ്റ്റീഫനാണ് പരാതി നൽകിയത്. യോഗത്തിൽ പങ്കെടുക്കാത്ത തന്റെ പേരും ഒപ്പും മിനിട്സിൽ രേഖപ്പെടുത്തിയതായും താൻ യോഗത്തിൽ പങ്കെടുക്കുകയോ ഒപ്പിടുകയോ ചെയ്തിട്ടില്ലെന്നും പരാതിയിൽ പറയുന്നു. ജോസ് കെ. മാണി, യോഗം വിളിച്ചു ചേർത്ത ഉന്നതാധികാര സമിതിയംഗം കെ.ഐ. ആന്റണി എന്നിവരെ എതിർ കക്ഷികളാക്കിയാണു പരാതി നൽകിയിരിക്കുന്നത്.
കേരള കോൺഗ്രസ് -എം യോഗം: തൊടുപുഴ പോലീസിൽ പരാതി
01:19 AM Jun 29, 2019 | Deepika.com