കൊച്ചി: വേളാങ്കണ്ണി യാത്രക്കാരുടെ തിരക്ക് കണക്കിലെടുത്ത് എറണാകുളം- വേളാങ്കണ്ണി റൂട്ടിൽ (കോട്ടയം, പുനലൂർ വഴി) പ്രത്യേക ട്രെയിൻ സർവീസുമായി റെയിൽവേ. അടുത്ത മാസം എല്ലാ ശനിയാഴ്ചകളിലുമായിരിക്കും സർവീസ്. രാവിലെ 11ന് എറണാകുളം ജംഗ്ഷനിൽനിന്നു പുറപ്പെടുന്ന ട്രെയിൻ (06015) പിറ്റേന്നു രാവിലെ ഏഴിനു വേളാങ്കണ്ണിയിലെത്തും.
ഞായറാഴ്ച വൈകിട്ട് 6.15ന് വേളാങ്കണ്ണിയിൽനിന്നു മടങ്ങുന്ന ട്രെയിൻ പിറ്റേന്ന് ഉച്ചയ്ക്ക് രണ്ടിന് എറണാകുളം ജംഗ്ഷനിലെത്തും. മൂന്ന് എസി കോച്ചുകൾക്കും ഏഴ് സ്ലീപ്പർ കോച്ചുകൾക്കും പുറമെ രണ്ടു ജനറൽ ക്ലാസ് കോച്ചുകളും ട്രെയിനിലുണ്ടാവും. തൃപ്പൂണിത്തുറ, കോട്ടയം, ചങ്ങനാശേരി, ചെങ്ങന്നൂർ, മാവേലിക്കര, കായംകുളം, കൊല്ലം, കുണ്ടറ, കൊട്ടാരക്കര, ആവണീശ്വരം, പുനലൂർ എന്നീ സ്റ്റേഷനുകളിലാണു കേരളത്തിലെ സ്റ്റോപ്പുകൾ.
എറണാകുളം- വേളാങ്കണ്ണി സ്പെഷൽ ട്രെയിൻ ജൂലൈയിലെ ശനിയാഴ്ചകളിൽ
12:09 AM Jun 27, 2019 | Deepika.com