കോഴിക്കോട്: നടന് ടോവിനോ തോമസിന് സിനിമാ ഷൂട്ടിംഗിനിടെ പരിക്ക്. കോഴിക്കോട് കുറ്റിക്കാട്ടുര് ഭാഗത്ത് എടക്കാട് ബറ്റാലിയൻ 06 എന്ന സിനിമയുടെ ഷൂട്ടിംഗ് നടക്കുന്നതിനിടെയാണ് ടോവിനോയ്ക്ക് പൊള്ളലേറ്റത്.
ചിത്രത്തിലെ സംഘട്ടനരംഗം ചിത്രീകരിക്കുന്നതിനിടെയാണ് അപകടം. നാലു വശത്തുനിന്നും തീ ഉപയോഗിച്ചുള്ള രംഗങ്ങളായിരുന്നു ചിത്രീകരിച്ചത്. ഡ്യൂപ്പിനെ വയ്ക്കാമെന്ന് സംവിധായകൻ നിർദേശിച്ചെങ്കിലും ടോവിനോ ഡ്യൂപ്പില്ലാതെ അഭിനയിക്കുകയായിരുന്നു. താരത്തിന്റെ കൈക്ക് പൊള്ളലേറ്റെങ്കിലും സാരമുള്ളതല്ല എന്ന് അണിയറ പ്രവർത്തകർ അറിയിച്ചു. നവാഗതനായ സ്വപ്നേഷ് കെ. നായര് സംവിധാനം ചെയ്യുന്ന ചിത്രമാണ് എടക്കാട് ബറ്റാലിയന് 06.
ടോവിനോയ്ക്ക് ഷൂട്ടിംഗിനിടെ പൊള്ളലേറ്റു
12:13 AM Jun 22, 2019 | Deepika.com