പോലീസിലെ അരാജകത്വം: മുഖ്യമന്ത്രി ആഭ്യന്തരം ഒഴിയണമെന്നു മുല്ലപ്പള്ളി
01:39 AM Jun 17, 2019 | Deepika.com
തിരുവനന്തപുരം: പോലീസിൽ അച്ചടക്കരാഹിത്യവും അരാജകത്വവും വർധിക്കുന്നത് വകുപ്പു മന്ത്രിയുടെ പിടുപ്പുകേടുകൊണ്ടാണെന്നും മുഖ്യമന്ത്രി ആഭ്യന്തരവകുപ്പ് ഒഴിയുന്നതാണ് നല്ലതെന്നും കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ. മന്ത്രിയും എംഎൽഎയും പാർട്ടി നേതാക്കളും സ്ത്രീപീഡനത്തിന്റെ പേരിൽ പ്രതിക്കൂട്ടിൽ നിൽക്കുന്പോൾ ക്രിമിനൽ പശ്ചാത്തലമുള്ള പോലീസുകാർ കാണിക്കുന്ന വൃത്തികേടിനു മുഖ്യമന്ത്രിയും പാർട്ടിയും സംരക്ഷണം നൽകുന്നു. നവോത്ഥാന വനിതാ മതിൽ നിർമിച്ച മുഖ്യമന്ത്രിക്കു പോലീസ് ഉദ്യോഗസ്ഥയ്ക്കു പോലും സംരക്ഷണം നൽകാൻ കഴിയാത്ത സാഹചര്യത്തിൽ എങ്ങനെയാണ് സ്ത്രീകൾക്ക് സുരക്ഷ നൽകാൻ കഴിയുകയെന്നും മുല്ലപ്പള്ളി ചോദിച്ചു.