കോട്ടയം: പോളിടെക്‌നിക് പ്രവേശനവുമായി ബന്ധപ്പെട്ട സെന്‍ട്രലൈസ്ഡ് അലോട്ട്‌മെന്‍റില്‍ കോട്ടയം മറ്റക്കര ടോംസ് എഡ്യൂക്കേഷണല്‍ ട്രസ്റ്റ് ഉള്‍പ്പെടെ ഏഴ് പോളിടെക്‌നിക്കുകളെക്കൂടി ഉള്‍പ്പെടുത്തണമെന്നു ഹൈക്കോടതി ഉത്തരവിട്ടു. തിരുനിലം എഡ്യൂക്കേഷണല്‍ ട്രസ്റ്റ് മറ്റക്കര ട്രസ്റ്റി ടോംസ് ടി.ജോസഫ് ഉള്‍പ്പെടെ നല്‍കിയ ഹര്‍ജിയിലാണ് ജസ്റ്റീസ് ഷാജി പി. ചാലിയുടെ ഉത്തരവ്.
2019-20 വര്‍ഷത്തെ പോളിടെക്‌നിക് പ്രവേശനവുമായി ബന്ധപ്പെട്ട് അനുമതി നല്‍കേണ്ട ഓള്‍ ഇന്ത്യാ കൗണ്‍സില്‍ ഫോര്‍ ടെക്‌നിക്കല്‍ എഡ്യൂക്കേഷന്‍ (എഐസിടിഇ) നടത്തിയ പരിശോധനയില്‍ പോളിടെക്‌നിക്കിനാവശ്യമായ സൗകര്യങ്ങള്‍ കോളജുകള്‍ക്കുണ്ടെന്നു വ്യക്തമാക്കിയിട്ടുണ്ടെന്നു സര്‍ക്കാര്‍ അഭിഭാഷകന്‍ കോടതിയില്‍ അറിയിച്ചിരുന്നു. ഈ സാഹചര്യത്തിലാണു ഹൈക്കോടതിയുടെ തീരുമാനം.
സെന്‍ട്രലൈസ്ഡ് അലോട്ട്‌മെന്‍റില്‍ ഏഴ് പോളിടെക്‌നിക്കുകൾ കൂടി ഉള്‍പ്പെടുത്തണം
01:30 AM Jun 14, 2019 | Deepika.com