തിരുവനന്തപുരം: സംസ്ഥാനത്തു കാലവർഷം ശക്തമായി തുടരുന്നു. അതിശക്തമായ മഴയ്ക്കു സാധ്യതയുള്ളതിനാൽ ഇന്നു മലപ്പുറം ജില്ലയിൽ ഓറഞ്ച്അലർട്ട് പ്രഖ്യാപിച്ചിട്ടുണ്ട്.
ആലപ്പുഴ, എറണാകുളം, തൃശൂർ, കോഴിക്കോട്, കണ്ണൂർ, കാസർഗോഡ് ജില്ലകളിൽ യെല്ലോ അലർട്ടും. നാളെ കൊല്ലം, ആലപ്പുഴ, കോഴിക്കോട് ജില്ലകളിലും യെല്ലോ അലർട്ടുണ്ട്. അറബിക്കടലിൽ രൂപപ്പെട്ട ‘വായു’ ചുഴലിക്കാറ്റ് ഗുജറാത്ത് തീരത്തേക്ക് നീങ്ങുകയാണ്. ഇന്നു പുലർച്ചെ ‘വായു’ തീരം തൊടുമെന്നാണു കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ നിഗമനം.
കാലവർഷം ശക്തം: ‘വായു’ ചുഴലിക്കാറ്റ് തീരംതൊടുന്നു
01:19 AM Jun 13, 2019 | Deepika.com