പുത്തൻകുരിശ്: മലങ്കര യാക്കോബായ സിറിയൻ സൺഡേസ്കൂൾ അസോസിയേഷന്റെ ശതാബ്ദിയോടനുബന്ധിച്ച് 16-ന് എംജെഎസ്എസ്എയുടെ ഭാരതത്തിലെ വിവിധ ഡിസ്ട്രിക്ട് കേന്ദ്രങ്ങളിൽ കുട്ടികൾക്കു ചിത്രരചന, ചെറുകഥാ മത്സരങ്ങളും അധ്യാപകർക്കായി ഉപന്യാസ രചനാ മത്സരവും ഉച്ചകഴിഞ്ഞ് 2.30 മുതൽ എല്ലാ കേന്ദ്രങ്ങളിലും നടക്കും.
സൺഡേസ്കൂൾ തലങ്ങളിൽ 1, 2 സ്ഥാനങ്ങൾ ലഭിച്ചവർക്ക് ഡിസ്ട്രിക്ട് തല മത്സരങ്ങളിൽ പങ്കെടുക്കാം. ചിത്രരചനയ്ക്ക് എംജെഎസ്എസ്എ പേപ്പർ നൽകും. വരയ്ക്കുന്നതിനുള്ള ക്രയോൺസ്, കളർ എന്നിവ കുട്ടികൾതന്നെ കൊണ്ടുവരണം.
എംജെഎസ്എസ്എയുടെ 80 കേന്ദ്രങ്ങളിലായി തെരഞ്ഞെടുക്കപ്പെട്ട 2000-ത്തോളം കുട്ടികളും അധ്യാപകരും പങ്കെടുക്കും. ഭദ്രാസനങ്ങളിലെ വിവിധ സെന്ററുകളിൽ നടക്കുന്ന പ്രോഗ്രാമുകൾക്ക് എംജെഎസ്എസ്എ പ്രസിഡന്റ് ഡോ. മാത്യൂസ് മാർ അന്തിമോസ് മെത്രാപ്പോലീത്ത, വൈസ് പ്രസിഡന്റ് ഫാ. സാബു സാമുവൽ, ജനറൽ സെക്രട്ടറി ഷെവലിയാർ എം.ജെ. മർക്കോസ്, സെക്രട്ടറിമാരായ കോര സി. കുന്നുംപുറം, എൽദോ ഐസക്ക്, റോയി തോമസ്, ട്രഷറർ പി.വി. ഏലിയാസ് തുടങ്ങിയ ഭാരവാഹികൾ നേതൃത്വം നൽകും.
അഖില മലങ്കര ചിത്രരചനാ മത്സരം 16ന്
12:08 AM Jun 13, 2019 | Deepika.com