കോട്ടയം: കേരള കത്തോലിക്കാ മെത്രാൻ സമിതിയുടെ നേതൃത്വത്തിൽ പ്രവർത്തിക്കുന്ന കെസിബിസി ജസ്റ്റീസ് പീസ് ആൻഡ് ഡെവലപ്മെന്റ് കമ്മീഷന്റെ ആഭിമുഖ്യത്തിലുള്ള കേരള സോഷ്യൽ സർവീസ് ഫോറം കേരളത്തിലെ രൂപത സോഷ്യൽ സർവീസ് സൊസൈറ്റികൾക്കായി ഏർപ്പെടുത്തിയ മികച്ച പ്രളയാനന്തര പുനരധിവാസം ഉൾച്ചേർത്ത ഡോക്യുമെന്ററിക്കുള്ള പുരസ്കാരം ഇരിങ്ങാലക്കുട രൂപതയിലെ സോഷ്യൽ ആക്ഷൻ ഫോറത്തിനു സമ്മാനിച്ചു.
അടിച്ചിറ ആമോസ് സെന്ററിൽ നടത്തിയ ചടങ്ങിൽ എസ്എഎഫ്ഐ ഡയറക്ടർ ഫാ. വർഗീസ് കോന്തുരുത്തി കെസിബിസി ജസ്റ്റീസ് പീസ് ആൻഡ് ഡെവലപ്മെന്റ് കമ്മീഷൻ വൈസ് ചെയർമാൻ മാർ ജോസ് പൊരുന്നേടത്തിൽനിന്നു പുരസ്കാരം ഏറ്റുവാങ്ങി. കേരള സോഷ്യൽ സർവീസ് ഫോറം എക്സിക്യൂട്ടീവ് ഡയറക്ടർ ഫാ.ജോർജ് വെട്ടിക്കാട്ടിൽ, പ്രോഗ്രാം ഓഫീസർമാരായ സിസ്റ്റർ ജെസീന എസ്ആർഎ, ജോബി മാത്യു, ബെൻ മാത്യു എന്നിവർ പരിപാടികൾക്കു നേതൃത്വം നൽകി.
ഡോക്യുമെന്ററി പുരസ്കാരം സമ്മാനിച്ചു
11:32 PM Jun 10, 2019 | Deepika.com