നിപ്പ ഭീതിയകന്നു; മുൻ സൈനികന്‍റെ മൃതദേഹം ബന്ധുക്കൾക്കു കൈമാറി

കോട്ടയം: പ​നി​യെത്തു​ട​ർന്നു കോ​ട്ട​യം മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലി​രി​ക്കെ മ​ര​ണ​പ്പെ​ടു​ക​യും, നി​പ്പ​യാ​ണെ​ന്ന സം​ശ​യ​ത്തി​ന്‍റെ പേ​രി​ൽ മോ​ർ​ച്ച​റി​യി​ൽ സൂ​ക്ഷി​ക്കു​ക​യും ചെ​യ്തി​രു​ന്ന മു​ൻ സൈ​നി​ക​ന്‍റെ മൃ​ത​ദേ​ഹം ബ​ന്ധു​ക്ക​ൾ​ക്കു വി​ട്ടു​കൊ​ടു​ത്തു. പൂ​ന വൈ​റോളജി ഇ​ൻ​സ്റ്റി​റ്റ്യൂ​ട്ടി​ലെ പരിശോധനാഫലം ലഭിച്ച തോടെയാണിത്.

ചേ​ർ​ത്ത​ല കു​ത്തി​യ​തോ​ട് വേ​ല​പ്പ​റ​ന്പി​ൽ ജോ​ബ് (56) ആ​ണ് മ​രി​ച്ച​ത്. ബു​ധ​നാ​ഴ്ച രാ​ത്രി​യി​ലാ​ണ് എ​റ​ണാ​കു​ളം ജ​ന​റ​ൽ ആ​ശു​പ​ത്രി​യി​ൽ നി​ന്നും ജോ​ബി​നെ കോ​ട്ട​യം മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ച​ത്. ആ​രോ​ഗ്യ​നി​ല മോ​ശ​മാ​യ​തി​നാ​ൽ ഉ​ട​ൻ ത​ന്നെ മെ​ഡി​സി​ൻ ക്രി​ട്ടി​ക്ക​ൽ കെ​യ​ർ യൂ​ണി​റ്റി​ലേ​ക്കു മാ​റ്റി. വ്യാ​ഴാ​ഴ്ച രാ​വി​ലെ 12.30 ന് ​മ​ര​ണ​പ്പെ​ട്ടു. ബ​ന്ധു​ക്ക​ളെ​ത്തി മൃ​ത​ദേ​ഹം ഏ​റ്റെ​ടു​ക്കു​ന്ന​തി​നു​ള്ള ന​ട​പ​ടി ആ​രം​ഭി​ച്ച​പ്പോ​ഴാ​ണ് ചി​കി​ത്സ ന​ട​ത്തി​യ ഡോ​ക്ട​ർ​മാ​ർ പ​നി​രോ​ഗ​ത്തെ സം​ബ​ന്ധി​ച്ച് സം​ശ​യം പ്ര​ക​ടി​പ്പി​ച്ചി​ട്ടു​ണ്ടെ​ന്നും, ജോ​ബി​ന്‍റെ തൊ​ണ്ട​യി​ൽ നി​ന്നെ​ടു​ത്ത ഉ​മി​നീ​രും, ര​ക്ത​വും, ഉ​ദ​ര​ത്തി​ൽ നി​ന്നെ​ടു​ത്ത ചി​ല സാ​ന്പി​ളു​ക​ളും പൂ​ന വൈറോളജി ഇ​ൻ​സ്റ്റി​റ്റ്യൂ​ട്ടി​ൽ പ​രി​ശോ​ധ​ന​യ്ക്ക് അ​യ​ച്ചി​രി​ക്കു​ക​യാ​ണെ​ന്നും അ​റി​യു​ന്ന​ത്. അ​തി​നാ​ൽ പ​രി​ശോ​ധ​നാ ഫ​ലം ല​ഭി​ച്ച​ശേ​ഷ​മേ മൃ​ത​ദേ​ഹം കൊ​ണ്ടു​പോ​കാ​വൂ എന്നു ഡോ​ക്ട​ർ​മാ​ർ നി​ർ​ദേ​ശി​ച്ചു.

ഇ​ന്ന​ലെ ഉ​ച്ച​യോ​ടെ പ​രി​ശോ​ധ​നാ ഫ​ലം ല​ഭി​ക്കു​ക​യും നി​പ്പ വൈ​റ​സ് അ​ല്ലെ​ന്ന് സ്ഥി​രീ​ക​രി​ക്കു​ക​യും ചെ​യ്ത​തോ​ടെ ബ​ന്ധു​ക്ക​ളെ​ത്തി മൃ​ത​ദേ​ഹം ഏ​റ്റു​വാ​ങ്ങു​ക​യാ​യി​രു​ന്നു. ഭാ​ര്യ: ആ​ൻ​സി (ന​ഴ്സ്, രാ​ജ​സ്ഥാ​ൻ) മ​ക​ൻ: ബെ​ൽ​ജോ (വി​ദ്യാ​ർ​ഥി) സം​സ്കാ​രം ഇ​ന്നു രാ​വി​ലെ 10.30നു ​കു​ത്തി​യ​തോ​ട് ഫാ​ത്തി​മ മാ​താ ലത്തീൻ ക​ത്തോ​ലി​ക്കാ പ​ള്ളി​യി​ൽ.