കൊച്ചി: സംസ്ഥാനത്തെ വിദ്യാഭ്യാസ മേഖലയില്‍ ഖാദര്‍ കമ്മിറ്റി റിപ്പോര്‍ട്ട് നടപ്പാക്കാനുള്ള സര്‍ക്കാര്‍ തീരുമാനത്തിനെതിരേ എന്‍എസ്എസ് ഹൈക്കോടതിയില്‍ ഹര്‍ജി നല്‍കി. ഖാദര്‍ കമ്മിറ്റി റിപ്പോര്‍ട്ട് നടപ്പാക്കുന്നതിനെ ചോദ്യം ചെയ്ത് നേരത്തെ എയ്ഡഡ് ഹയര്‍ സെക്കന്‍ഡറി ടീച്ചേഴ്‌സ് അസോസിയേഷന്‍ ഹര്‍ജി നല്‍കിയിരുന്നു.പൊതുവിദ്യാഭ്യാസ മേഖലയെ പുനക്രമീകരിക്കാനെന്ന പേരില്‍ റിപ്പോര്‍ട്ട് നടപ്പാക്കുന്നതിലൂടെ വിദ്യാഭ്യാസ മേഖലയ്ക്ക് കനത്ത ആഘാതമാണ് സര്‍ക്കാര്‍ വരുത്തിവയ്ക്കുന്നതെന്ന് ഹര്‍ജിയില്‍ ആരോപിക്കുന്നു.
ലോവര്‍ പ്രൈമറി, അപ്പര്‍ പ്രൈമറി, ഹൈസ്‌കൂള്‍, ഹയര്‍ സെക്കന്‍ഡറി എന്നിങ്ങനെ വിവിധ തലങ്ങളില്‍ പ്രത്യേക ഭരണസംവിധാനവും ഓരോ തലത്തിലുമുള്ള അധ്യാപകര്‍ക്കും അനധ്യാപകര്‍ക്കും വ്യത്യസ്ത യോഗ്യതയുമാണ് നിലവിലുള്ളത്.ഒന്നു മുതല്‍ 12 വരെയുള്ള ക്ലാസുകളെ ഏകോപിപ്പിക്കാനാണ് സര്‍ക്കാര്‍ തയാറെടുക്കുന്നതെന്നും ഹര്‍ജിയില്‍ ആരോപിക്കുന്നു.
ഖാദര്‍ കമ്മിറ്റി റിപ്പോര്‍ട്ട് നടപ്പാക്കൽ : സര്‍ക്കാരിനെതിരേ എന്‍എസ്എസ് ഹൈക്കോടതിയില്‍ ഹര്‍ജി നല്‍കി
01:33 AM Jun 07, 2019 | Deepika.com