ജൈവവൈവിധ്യ ഉദ്യാനം: അവാർഡുകൾ പ്രഖ്യാപിച്ചു
11:43 PM May 28, 2019 | Deepika.com
തിരുവനന്തപുരം: സംസ്ഥാനത്തെ പൊതുവിദ്യാലയങ്ങളിൽ പരിപാലിച്ചുവരുന്ന ജൈവവൈവിധ്യ ഉദ്യാനങ്ങൾക്കു സംസ്ഥാനതല പുരസ്കാരങ്ങൾ പ്രഖ്യാപിച്ചു. ഇടുക്കി ജില്ലയിലെ കഞ്ഞിക്കുഴി ജിഎൽപി സ്കൂളിനാണ് ഒന്നാംസ്ഥാനം. ആലപ്പുഴ ജില്ലയിലെ എടത്വാ സെന്റ് മേരീസ് എൽപി സ്കൂളിനു രണ്ടാം സ്ഥാനവും, മലപ്പുറം ജില്ലയിലെ എസ്വിഎ യുപിസ്കൂൾ കാപ്പിലിനു മൂന്നാം സ്ഥാനവും ലഭിച്ചു. കണ്ണൂർ ജില്ലയിലെ വെള്ളാട് ഗവ.യുപി സ്കൂളിനും, കാസർഗോഡ് ജില്ലയിലെ ജിഎച്ച്എസ്എസ് ഉദിനൂരിനും പ്രത്യേക സമ്മാനവും നൽകി.