വേങ്ങര പോലീസ് സ്റ്റേഷനു സ്വന്തം കെട്ടിടം
11:29 PM May 28, 2019 | Deepika.com
തിരുവനന്തപുരം: മലപ്പുറം ജില്ലയിലെ വേങ്ങര പോലീസ് സ്റ്റേഷനു സ്വന്തമായി കെട്ടിടം നിർമിക്കാനായി ഭൂമി കൈമാറാൻ നിർദേശം നൽകിയതായി മുഖ്യമന്ത്രി പിണറായി വിജയൻ. മൃഗസംരക്ഷണ വകുപ്പിന്റെ കീഴിൽ വേങ്ങര വില്ലേജിൽ 25 സെന്റ് ഭൂമി ഇതിന് അനുയോജ്യമാണെന്നു കണ്ടെത്തിയിട്ടുണ്ട്. ജില്ലാ അധികൃതരുമായി ബന്ധപ്പെട്ടു ഭൂമി വിട്ടുനൽകാനാവശ്യമായ അടിയന്തര നടപടി സ്വീകരിക്കാൻ സംസ്ഥാന പോലീസ് മേധാവിക്കു നിർദേശം നൽകിയതായും മന്ത്രി അറിയിച്ചു.