മങ്കൊന്പ്: ബൈക്കപകടത്തെ തുടർന്ന് പരിക്കേറ്റു ചികിത്സയിൽ കഴിഞ്ഞിരുന്ന യുവാവ് മരിച്ചു. രാമങ്കരി ഗ്രാമപഞ്ചായത്ത് എട്ടാംവാർഡ് പുതുക്കരി കാരേക്കാട്ട് വീട്ടിൽ ഒൗസേഫ് വർഗീസിന്‍റെ മകൻ ടിബിൻ വർഗീസാ(25) ണ് മരിച്ചത്.
ബൈക്കോടിച്ചിരുന്ന പുതുക്കരി കൊച്ചുതെള്ളിയിൽ കുര്യാക്കോസ് സേവ്യറിന്‍റെ മകൻ ലിബിൻ (24) നിസാര പരിക്കുകളോടെ രക്ഷപ്പെട്ടിരുന്നു. കഴിഞ്ഞ ശനിയാഴ്ച രാത്രി 11.30 ഓടെ മാന്പുഴക്കരി പുതുക്കരി റോഡിൽ മുപ്പതിൽ പാലത്തിലായിരുന്നു അപകടം.
പുതുക്കരി പള്ളിയിലെ തിരുനാളിനോടനുബന്ധിച്ചുള്ള പ്രദക്ഷിണം കഴിഞ്ഞ് ലിബിനൊപ്പം മടങ്ങുന്നതിനിടെ ബൈക്ക് നിയന്ത്രണം വിട്ട് പാലത്തിന്‍റെ കൈവരിയിൽ ഇടിക്കുകയായിരുന്നു. തലയ്ക്കു ഗുരുതരപരിക്കേറ്റ് കോട്ടയം മെഡിക്കൽ കോളജിൽ തീവ്രപരിചരണ വിഭാഗത്തിൽ കഴിയുകയായിരുന്ന ടിബിൻ ഇന്നലെ പുലർച്ചെ അഞ്ചോടെയാണ് മരിച്ചത്. സംസ്കാരം ഇന്ന് 3.30 ന് പുതുക്കരി സെന്‍റ് സേവ്യേഴ്സ് പള്ളിയിൽ. മാതാവ്: മോളിമ്മ വർഗീസ്. സഹോദരി: ടിനു.
ബൈക്കപകടം: ചികിത്സയിലിരുന്ന യുവാവ് മരിച്ചു
11:44 PM May 14, 2019 | Deepika.com