ആലുവ: അച്ഛന്റെ ക്രൂര മർദനത്തിനിരയായ മൂന്നു വയസുകാരനെ ആലുവ രാജഗിരി ആശുപത്രിയിൽ പ്രവേശിപ്പിച്ചു. ഏലൂരിൽ താമസിക്കുന്ന ഉത്തർപ്രദേശ് സ്വദേശിയാണ് കുട്ടിയെ മർദനമേറ്റ നിലയിൽ ആശുപത്രിയിലെത്തിച്ചത് . തലയോട്ടിയിൽ പൊട്ടലും ശരീരമാസകലം പൊള്ളലുമേറ്റ പാടുകളുള്ള കുട്ടി അതീവ ഗുരുതരാവസ്ഥയിലാണ്. ജീവൻ നിലനിർത്താൻ വെന്റിലേറ്ററിൽ പ്രവേശിപ്പിച്ച കുട്ടിയെ അടിയന്തര ശസ്ത്രക്രിയയ്ക്കു വിധേയനാക്കി.
അമ്മയുടെ കൈയിൽനിന്നു താഴെ വീണെന്നു പറഞ്ഞാണു അച്ഛൻ കുട്ടിയെ ആശുപത്രിയിലെത്തിച്ചത്. എന്നാൽ, കുട്ടിയുടെ ഗുരുതരാവസ്ഥ ബോധ്യപ്പെട്ടതോടെ ആശുപത്രി അധികൃതർ പോലീസിൽ അറിയിക്കുകയായിരുന്നു. ജില്ലാ ചൈൽഡ് പ്രൊട്ടക്ഷൻ ഓഫീസറും ചൈൽഡ് ലൈൻ പ്രവർത്തകരും സംഭവമറിഞ്ഞ് ആശുപത്രിയിലെത്തി. ഏലൂർ സിഐയുടെ നേതൃത്വത്തിലുള്ള പോലീസ് ആശുപത്രിയിലെത്തി അച്ഛനെ ചോദ്യം ചെയ്തു.
അച്ഛന്റെ മർദനം; മൂന്നു വയസുകാരൻ ഗുരുതരാവസ്ഥയിൽ
01:07 AM Apr 18, 2019 | Deepika.com