പാർലമെന്റ് തെരഞ്ഞെടുപ്പിൽ മത്സരിക്കുന്നില്ല : പി.സി. ജോർജ്
01:27 AM Mar 21, 2019 | Deepika.com
കോട്ടയം: കേരള ജനപക്ഷം പാർലമെന്റ് തെരഞ്ഞെടുപ്പിൽ ഒരു സീറ്റിലും മത്സരിക്കേണ്ടതില്ലെന്നു തീരുമാനിച്ചു. മതവിശ്വാസങ്ങളെയും ആചാര അനുഷ്ഠാനങ്ങളെയും അധിക്ഷേപിക്കുകയും അവഹേളിക്കുകയും ചെയ്യുന്ന ശക്തികളുടെ പരാജയം ഉറപ്പാക്കാൻ ജനപക്ഷം പ്രവർത്തകർ രംഗത്തിറങ്ങുമെന്നും ചെയർമാൻ പി.സി. ജോർജ്, വൈസ് ചെയർമാൻമാരായ ഇ.കെ. ഹസൻകുട്ടി, എസ്. ഭാസ്ക്കരപിള്ള, ജനറൽ സെക്രട്ടറി കെ.കെ. ചെറിയാൻ എന്നിവർ അറിയിച്ചു.