തിരുവനന്തപുരം: സംസ്ഥാനത്ത് അടുത്ത 24 മണിക്കൂർകൂടി കനത്ത ചൂട് തുടരുമെന്നു കാലാവസ്ഥാ നിരീക്ഷണ കേന്ദ്രം അറിയിച്ചു. എറണാകുളം, തൃശൂർ, കോഴിക്കോട്, കണ്ണൂർ ജില്ലകളിൽ ഇന്ന് ശരാശരിയേക്കാൾ രണ്ടു മുതൽ മൂന്നു വരെ ഡിഗ്രി വരെ താപനില ഉയരാനിടയുണ്ടെന്നാണ് മുന്നറിയിപ്പ്. സൂര്യാഘാത സാധ്യതയുള്ളതിനാൽ തുറസായ സ്ഥലങ്ങളിൽ ജോലി ചെയ്യുന്നവർ ജാഗ്രത പാലിക്കണം.
വെള്ളാനിക്കര, പുനലൂർ, കോട്ടയം എന്നിവിടങ്ങളിൽ ഇന്നലെ ഏറ്റവും കൂടിയ താപനിലയായ 37 ഡിഗ്രി സെൽഷസ് രേഖപ്പെടുത്തി. മലപ്പുറം ജില്ലയിൽ ഇന്നലെ ശരാശരിയേക്കാൾ താഴ്ന്ന താപനിലയാണ് രേഖപ്പെടുത്തിയത്.
നാലു ജില്ലകളിൽ കനത്ത ചൂടിനു സാധ്യത
02:36 AM Mar 18, 2019 | Deepika.com