തിരുവനന്തപുരം: സിപിഎം സംസ്ഥാന സംസ്ഥാന കമ്മിറ്റി അംഗം എം.വിജയകുമാർ പാർട്ടി കണ്ട്രോൾ കമ്മീഷൻ ചെയർമാനാകും. കണ്ണൂർ പേരാവൂരിലെ സഹകരണ ആശുപത്രി ഭൂമിയിടപാട് വിവാദത്തിൽ ആരോപണവിധേയനായ ടി. കൃഷ്ണൻ സ്ഥാനമൊഴിഞ്ഞ സാഹചര്യത്തിലാണു തീരുമാനം.
അഞ്ചംഗ കണ്ട്രോൾ കമ്മീഷനിൽ നിലവിലെ മൂന്നു പേരുടെ ഒഴിവുകളിലേക്കു പകരക്കാരെ നിയമിക്കുകയും ചെയ്തു. ടി. കൃഷ്ണനു പുറമേ, അന്തരിച്ച ഇ. കാസിം, തൃശൂർ ജില്ലാ സെക്രട്ടറി എം.എം. വർഗീസ് എന്നിവരുടെ ഒഴിവുകളാണു നിലവിൽ കണ്ട്രോൾ കമ്മീഷനിലുള്ളത്. എം.പി. ജോസഫ്, കെ.കെ. ലതിക എന്നിവർ മാത്രമാണ് ഇപ്പോൾ കമ്മീഷൻ അംഗങ്ങളായുള്ളത്. ഒഴിവുകളിലേക്ക് എം. വിജയകുമാറിനു പുറമെ ഗുരുവായൂർ എംഎൽഎ കെ.വി. അബ്ദുൾഖാദർ, പനോളി വത്സൻ എന്നിവരെയാണ് പുതുതായി ഉൾപ്പെടുത്തിയത്.
സിപിഎം കണ്ട്രോൾ കമ്മീഷൻ: എം. വിജയകുമാർ ചെയർമാനാകും
12:42 AM Feb 03, 2019 | Deepika.com