കൊച്ചി: ഇൻഫാം കർഷക ദിനാചരണത്തിന്റെ ദേശീയ- സംസ്ഥാനതല ആഘോഷം കലൂർ റിന്യൂവൽ സെന്ററിൽ ഇന്നു നടക്കും. രാവിലെ 10നാണ് കർഷക പഠനശിബിരം. ഉച്ചകഴിഞ്ഞ് 1.45നു പൊതുസമ്മേളനം ഇൻഫാം ദേശീയ രക്ഷാധികാരി ബിഷപ് മാർ മാത്യു അറയ്ക്കൽ ഉദ്ഘാടനം ചെയ്യും.
സംസ്ഥാന ഡയറക്ടർ ഫാ. ജോസ് മോനിപ്പള്ളി അധ്യക്ഷത വഹിക്കും. ജൈവസമൃദ്ധി പദ്ധതി ഹൈബി ഈഡൻ എംഎൽഎ ഉദ്ഘാടനം ചെയ്യും. ഇൻഫാം ദേശീയ സെക്രട്ടറി ജനറൽ ഷെവലിയർ അഡ്വ. വി.സി. സെബാസ്റ്റ്യൻ വിഷയാവതരണവും കർഷകനയ പ്രഖ്യാപനവും നടത്തും. ദേശീയ പ്രസിഡന്റ് പി.സി. സിറിയക് മുഖ്യപ്രഭാഷണം നടത്തും. ഇൻഫാം സംസ്ഥാനതല കർമപദ്ധതികൾ സംസ്ഥാന പ്രസിഡന്റ് ജോസ് ഇടപ്പാട്ട് അവതരിപ്പിക്കും.
ഇൻഫാം കർഷകദിനാചരണം ഇന്ന്
01:00 AM Jan 15, 2019 | Deepika.com