ലോറിയിലെ ടാങ്കർ വൃത്തിയാക്കാനിറങ്ങിയ യുവാവ് വിഷവാതകം ശ്വസിച്ചു മരിച്ചു
12:15 AM Jan 07, 2019 | Deepika.com
കോന്നി: കുമ്പഴ എസ്റ്റേറ്റിൽ ലോറിയിലെ ടാങ്കർ വൃത്തിയാക്കാൻ ഇറങ്ങവേ യുവാവ് വിഷവാതകം ശ്വസിച്ചു മരിച്ചു. എസ്റ്റേറ്റ് തൊഴിലാളി കൂടിയായ പൊതിപ്പാട് പരേതനായ ചെന്താമരാക്ഷന്‍റെ മകൻ സുനീഷ് (31) ആണ് മരിച്ചത്. ഇന്നലെ വൈകുന്നേരം 6.30 ഓടെയാണ് സംഭവം. സുനീഷിനെ രക്ഷിക്കാൻ ശ്രമിച്ച എസ്റ്റേറ്റ് ജീവനക്കാരൻ അനന്തരാമൻ, ഒന്നാം ഡിവിഷനിൽ ഉടയാരുടെ മകൻ മണികണ്ഠൻ എന്നിവർ ഗുരുതരാവസ്ഥയിലാണ്. വനജ കുമാരിയാണ് സുനീഷിന്‍റെ ഭാര്യ. മകൾ: കുഞ്ഞാറ്റ.