കൊച്ചി: ഫ്രാൻസിസ്കൻ അല്മായ സഭയുടെ പുതിയ ദേശീയ ഭാരവാഹികളെ നിയമിച്ചു. ഓർഡോ ഫ്രാൻസിസ് കാനൂസ് സെക്കുലാറിസ് ഇന്‍റർനാഷണൽ ഫ്രട്ടേണിറ്റിയുടെ മിനിസ്റ്റർ ജനറാൾ ബ്രദർ തീബോർ കൗസർ പുതിയ ദേശീയസമിതി അംഗങ്ങളെ പ്രഖ്യാപിച്ചു.
ബ്രദർ ഒലിവർ ഫെർണാണ്ടസാണു ദേശീയസമിതിയിലെ പുതിയ മിനിസ്റ്റർ. മറ്റു ഭാരവാഹികൾ: ബ്രദർ ഡോ. ജെറി ജോസഫ് -വൈസ്മിനിസ്റ്റർ, സിസ്റ്റർ ഐറീൻ എമിൽഡ പിന്‍റോ-ഫൊർമേറ്റർ, ബ്രദർ എസ്. സിങ്കരായൻ ക്രിസ്തീരാജ് -സെക്രട്ടറി, ബ്രദർ ആൽവിൻ മൊണ്ടേരിയോ-ട്രഷറർ, ബ്രദർ മാർക്ക് ആന്‍റണി-കേരള ലത്തീൻ ഏരിയ കൗണ്‍സിലർ, ബ്രദർ ഫ്രാങ്കോ ജോണ്-സീറോ മലബാർ ഏരിയ കൗണ്‍സിലർ, ബ്രദർ സെബാസ്റ്റ്യൻ സിങ്കരായർ-തമിഴ്നാട് ഏരിയ കൗണ്‍സിലർ, ബ്രദർ ലിയോ മത്തിയാസ്-കർണാടക ഏരിയ കൗണ്‍സിലർ, സിസ്റ്റർ ജുക്കുണ്ട ന്യുനെസ് സെൽവീരോ-ഗോവ ഏരിയ കൗണ്‍സിലർ, ബ്രദർ ബെർണാർഡ് ഡ്യൂങ്ങ് ഡ്യൂങ്ങ് -ബീഹാർ, ജാർഖണ്ഡ് ഏരിയ കൗണ്‍സിലർ.
ആലുവ സെന്‍റ് തോമസ് കപ്പൂച്ചിൻ പ്രൊവിൻഷ്യൽ ഹൗസിൽ മിനിസ്റ്റർ പ്രൊവിൻഷ്യൽ ഫാ. പോളി മാടശേരി, നിയമനത്തിന്‍റെ ഡിക്രി വായിച്ചു ദേശീയ മിനിസ്റ്ററിനു കൈമാറി. തുടർന്നു നടന്ന ദേശീയ കൗണ്‍സിൽ യോഗം മിനിസ്റ്റർ പ്രൊവിൻഷ്യൽ ഉദ്ഘാടനം ചെയ്തു. 2021 നവംബർ 15 വരെയാണു പുതിയ ദേശീയസമിതിയുടെ പ്രവർത്തന കാലയളവ്.
ഫ്രാൻസിസ്കൻ അല്മായ സഭയ്ക്കു പുതിയ ദേശീയ നേതൃത്വം
12:44 AM Nov 21, 2018 | Deepika.com