കണ്ണൂർ: ശബരിമലയെ ശാശ്വതമായി ഇല്ലാതാക്കാൻ എൽഡിഎഫ് സർക്കാർ അവിടെ പോലീസ് രാജ് നടപ്പാക്കുകയാണെന്ന് കെപിസിസി വർക്കിംഗ് പ്രസിഡന്റ് കെ. സുധാകരൻ. ശബരിമലയിലെ ആചാരങ്ങളും അനുഷ്ഠാനങ്ങളും തെറ്റിച്ചത് പോലീസാണെന്നും അദ്ദേഹം പറഞ്ഞു.
കണ്ണൂരിൽ പത്രസമ്മേളനത്തിൽ സംസാരിക്കുകയായിരുന്നു സുധാകരൻ. കണ്ണൂർ കിഴുന്നയിൽ നടന്നതു സിപിഎം പ്രവർത്തകരായ പോലീസുകാരുടെ യോഗ മാണ്. ആദിവാസികളുടെ നേതൃത്വത്തിൽ തെരഞ്ഞെടുക്കപ്പെട്ട സിപിഎം പ്രവർത്തകർ ശബരിമലയിലേക്ക് പുറപ്പെട്ടിട്ടുണ്ട്.
രണ്ടും കൽപ്പിച്ചുള്ള പുറപ്പാടാണ് സിപിഎമ്മും ഇടതുപക്ഷവും നടത്തുന്നത്. ദേവസ്വം ബോർഡിന്റെ കൈയിൽനിന്നു ഭരണം വഴുതിപ്പോയെന്നും സുധാകരൻ പറഞ്ഞു.
ശബരിമലയെ തകർക്കാൻ പോലീസ് രാജ്: സുധാകരൻ
01:42 AM Nov 20, 2018 | Deepika.com