എൻ.കെ. ദേശത്തിന് അവാർഡ്
01:02 AM Nov 20, 2018 | Deepika.com
കോട്ടയം: കവിയും കഥാകാരനും പ്രഭാഷകനുമായിരുന്ന പ്രഫ. ഏറ്റുമാനൂർ സോമദാസന്റെ സ്മരണാർഥം ഏറ്റുമാനൂർ സോമദാസൻ സ്മാരക ട്രസ്റ്റ് ഏർപ്പെടുത്തിയ പുരസ്കാരത്തിനു പ്രശസ്ത കവി എൻ.കെ. ദേശം അർഹനായതായി ട്രസ്റ്റ് പ്രസിഡന്റും കവിയുമായ എൻ. പ്രഭാവർമ അറിയിച്ചു. 25,000 രൂപയും ശിൽപവും പ്രശസ്തിപത്രവുമാണ് പുരസ്കാരം. ഏറ്റുമാനൂർ സോമദാസന്റെ ഏഴാം ചരമവാർഷികദിനത്തോട് അനുബന്ധിച്ച് 21ന് ചങ്ങനാശേരി പെരുന്ന മലയാള വിദ്യാപീഠത്തിൽ നടക്കുന്ന അനുസ്മരണസമ്മേളനത്തിൽ മുൻ ചീഫ് സെക്രട്ടറിയും കവിയുമായ ആർ. രാമചന്ദ്രൻനായർ പുരസ്കാരം സമ്മാനിക്കും.