തിരുവനന്തപുരം: സംസ്ഥാന ഭാഗ്യക്കുറി നറുക്കെടുപ്പ് ഇന്നുമുതല് തത്സമയം ടെലിവിഷനില് സംപ്രേഷണം ചെയ്യും. ഉച്ചകഴിഞ്ഞ് മൂന്നുമുതല് നാലുവരെ കൈരളി, കൗമുദി ടെലിവിഷന് ചാനലുകളിലാണ് ആദ്യഘട്ടത്തില് നറുക്കെടുപ്പ് തത്സമയ സംപ്രേഷണം ലഭിക്കുക. അടുത്തഘട്ടത്തില് ജയ്ഹിന്ദ്, ജീവന് ചാനലുകളിലും നറുക്കെടുപ്പ് തത്സമയ സംപ്രേഷണം ലഭ്യമാകും.
നറുക്കെടുപ്പ് നടക്കുന്ന തിരുവനന്തപുരം വാൻറോസ് ജംഗ്ഷനിലെ ഗോര്ഖി ഭവനില് നിന്നാണ് സംപ്രേഷണം. ഇതിന് ആവശ്യമായ സ്റ്റുഡിയോ, മറ്റ് സാങ്കേതിക സൗകര്യങ്ങള് എന്നിവ ഒരുക്കിയിട്ടുള്ളത് സി-ഡിറ്റാണ്.
ഭാഗ്യക്കുറി നറുക്കെടുപ്പ് കൂടുതല് സുതാര്യമാക്കുന്നതിന്റെ ഭാഗമായി തത്സമയ സംപ്രേഷണം നടത്തുമെന്ന് മുഖ്യമന്ത്രിയും ധനമന്ത്രിയും നേരത്തെ അറിയിച്ചിരുന്നു.
ഭാഗ്യക്കുറി നറുക്കെടുപ്പ് തത്സമയ സംപ്രേഷണം ഇന്നുമുതല്
01:22 AM Nov 15, 2018 | Deepika.com