കുട്ടനാട്: വീടിനു സമീപത്തെ ആറ്റിലെ കടവിൽ കുളിക്കാനിറങ്ങിയ ഗൃഹനാഥൻ മുങ്ങി മരിച്ചു. നെടുമുടി പഞ്ചായത്ത് നാലാം വാർഡിൽ കൈനകരി വില്ലേജിൽ ചേന്നങ്കരി അമ്പതിൽചിറയിൽ സതീശനാ(53)ണ് മരിച്ചത്.
ഇന്നലെ വൈകിട്ട് 3.45ന് കോയിക്കാട് പാലത്തിനു സമീപത്തായിരുന്നു അത്യാഹിതം.കുളിക്കാൻ പോയിട്ട് ഏറെ നേരമായിട്ടും തിരിച്ചെത്താതിരുന്നതിനെത്തുടർന്ന് ബന്ധുക്കൾ നടത്തിയ തെരച്ചിലിൽ കുളിക്കടവിൽ മരിച്ച നിലയിൽ കണ്ടെത്തുകയായിരുന്നു. മൃതദേഹം വണ്ടാനം മെഡിക്കൽ കോളേജ് ആശുപത്രി മോർച്ചറിയിൽ.സംസ്കാരം പിന്നീട്. ഭാര്യ: പ്രശോഭിനി,മക്കൾ: ജിഷ്ണു, ഗീതു.
കുളിക്കാനിറങ്ങിയ ഗൃഹനാഥൻ മുങ്ങിമരിച്ചു
11:48 PM Nov 14, 2018 | Deepika.com