കൊച്ചി: നടിയെ തട്ടിക്കൊണ്ടുപോയി പീഡിപ്പിക്കാൻ ശ്രമിച്ചെന്ന കേസിൽ ആരോപണവിധേയനായ നടൻ ദിലീപിനു താത്കാലികമായി പാസ്പോർട്ട് നൽകി. വർക്ക് വീസയ്ക്കായി പാസ്പോർട്ട് ഹാജരാക്കേണ്ടതുണ്ടെന്ന പ്രതിഭാഗം വാദം അംഗീകരിച്ചു പാസ്പോർട്ട് നൽകാൻ എറണാകുളം പ്രിൻസിപ്പൽ സെഷൻസ് കോടതി ഉത്തരവിടുകയായിരുന്നു.
ഈമാസം 15 മുതൽ ഡിസംബർ 31 വരെ ഷൂട്ടിംഗിനായി വിദേശത്തു പോകാനുള്ള ദിലീപിന്റെ അപേക്ഷയെ പ്രോസിക്യൂഷൻ കഴിഞ്ഞ ദിവസം കോടതിയിൽ എതിർത്തിരുന്നു. ഈ ഹർജിയിൽ ഈമാസം ഒന്പതിനു തീരുമാനമെടുക്കാനായി മാറ്റിയ കോടതി വർക്ക് വീസയുടെ ആവശ്യത്തിലേക്കായി മാത്രം താത്കാലികമായി പാസ്പോർട്ട് വിട്ടുനൽകുകയായിരുന്നു.
ദിലീപിനു താത്കാലിക പാസ്പോർട്ട് നൽകി
01:55 AM Nov 08, 2018 | Deepika.com