കോട്ടയം: ആരോഗ്യ പരിരക്ഷാരംഗത്ത് അരനൂറ്റാണ്ട് പിന്നിടുന്ന എസ്എച്ച് മെഡിക്കൽ സെന്റർ ഗോൾഡൻ ജൂബിലി ആഘോഷങ്ങൾക്ക് തുടക്കമായി. 1969-ൽ പത്ത് ബെഡുകളുമായി പ്രവർത്തനം ആരംഭിച്ച ആശുപത്രി ഇന്ന് 300 ബെഡുകളുള്ള മൾട്ടി സ്പെഷാലിറ്റി ആശുപത്രിയായും ഹാർട്ട് ഇൻസ്റ്റിറ്റ്യൂട്ടായും വളർന്നതിന് പിന്നിൽ എസ്എച്ച് കോൺഗ്രിഗേഷന്റെ ദീർഘവീക്ഷണവും ആത്മ സമർപ്പണവുമാണ്.
ഗോൾഡൻ ജൂബിലി ആഘോഷങ്ങൾ നാളെ രാവിലെ എസ്എച്ച് മെഡിക്കൽ സെന്റർ ഓഡിറ്റോറിയത്തിൽ സംസ്ഥാന ഗവർണർ ജസ്റ്റീസ് പി. സദാശിവം ഉദ്ഘാടനം ചെയ്യും. സിസ്റ്റർ ഫ്ളവർ ടോം അധ്യക്ഷത വഹിക്കും. ചങ്ങനാശേരി ആർച്ച്ബിഷപ് മാർ ജോസഫ് പെരുന്തോട്ടം അനുഗ്രഹ പ്രഭാഷണം നടത്തും.
ജോസ് കെ. മാണി എംപി, തിരുവഞ്ചൂർ രാധാകൃഷ്ണൻ എംഎൽഎ എന്നിവർ പ്രസംഗിക്കും. എസ്എച്ച് ഡയറക്ടർ സിസ്റ്റർ ആലീസ് മണിയങ്ങാട്ട് സ്വാഗതം പറയും.
മെഡിക്കൽ സെന്ററിൽ നാളെ ഒപി അവധി
കോട്ടയം: എസ്എച്ച് മെഡിക്കൽ സെന്ററിൽ നാളെ ഒപി അവധിയായിരിക്കും.
എസ്എച്ച് മെഡിക്കൽ സെന്റർ 50ന്റെ നിറവിൽ
11:46 PM Oct 15, 2018 | Deepika.com