തിരുവനന്തപുരം: ദുരിതാശ്വാസ നിധിയിലേക്ക് കേന്ദ്രത്തിൽ വിവിധ പദവിയിലെത്തിയ പ്രവർത്തകരുൾപ്പെടെ ബിജെപിയുടെ ജനപ്രതിനിധികൾ രണ്ടാഴ്ചത്തെ വേതനം നൽകുമെന്ന് പാർട്ടി സംസ്ഥാന അധ്യക്ഷൻ പി.എസ്. ശ്രീധരൻ പിള്ള.
മുഖ്യമന്ത്രിയുടെ ദുരിതാശ്വാസ നിധിയിലേക്കോ സേവാഭാരതിക്കോ പണം നൽകും. 10000 പാർട്ടി പ്രവർത്തകർ ദുരിതാശ്വാസ പ്രവർത്തന രംഗത്തുണ്ടെന്നും വേണ്ടത്ര ഗൃഹപാഠം ചെയ്യാതെയാണു സംസ്ഥാന സർക്കാർ ദുരിതാശ്വാസ കാര്യത്തിൽ കേന്ദ്രത്തെ സമീപിച്ചതെന്നും ശ്രീധരൻ പിള്ള പത്രസമ്മേളനത്തിൽ പറഞ്ഞു. ദുരിതാശ്വാസ സഹായത്തിനായി കൃത്യമായ കണക്ക് നിരത്തി ആവശ്യമായ തുക കേന്ദ്രത്തിൽ നിന്ന് നേടിയെടുക്കാൻ സാധിക്കും. എന്നാൽ ദുരിതാശ്വാസ പ്രവർത്തനങ്ങൾക്കു കിട്ടുന്ന തുക അതിനുമാത്രം ഉപയോഗിക്കണം. സുനാമി, ഓഖി ദുരിതാശ്വാസ നിധികളുടെ കാര്യത്തിലുണ്ടായ അനുഭവം ആവർത്തിക്കരുതെന്നും ശ്രീധരൻ പിള്ള പറഞ്ഞു.
ജനപ്രതിനിധികൾ രണ്ടാഴ്ചത്തെ വേതനം നൽകും: ശ്രീധരൻ പിള്ള
01:49 AM Aug 15, 2018 | Deepika.com