മാക്കൂട്ടം-പെരുന്പാടി റോഡ് അറ്റകുറ്റപ്പണി ഉടൻ പൂർത്തിയാക്കും
02:28 AM Jun 23, 2018 | Deepika.com
തിരുവനന്തപുരം:കേരളത്തെ കർണാടകയുമായി ബന്ധിപ്പിക്കുന്ന കണ്ണൂർ-മാക്കൂട്ടം- പെരുന്പാടി - മൈസൂർ പാത യുദ്ധകാലാടിസ്ഥാനത്തിൽ അറ്റകുറ്റപ്പണി ചെയ്യുന്നതിനും വാഹനഗതാഗതം പുനഃസ്ഥാപിക്കുന്നതിനും നടപടി സ്വീകരിച്ചിട്ടുണ്ടെ ന്ന് കർണാടക മുഖ്യമന്ത്രി എച്ച്.ഡി. കുമാരസ്വാമി മുഖ്യമന്ത്രി പിണറായി വിജയനെ അറിയിച്ചു. കനത്ത മഴയിൽ റോഡ് പലഭാഗത്തും തകരാറിലായതിനെ തുടർന്ന് പെരുന്പാടി-മാക്കൂട്ടം റോഡിൽ ഗതാഗതം പൂർണമായി നിരോധിച്ച് കർണാടക സർക്കാർ ഉത്തരവിട്ടിരുന്നു. ഇതേത്തുടർന്ന് മുഖ്യമന്ത്രി പിണറായി വിജയൻ കർണാടക മുഖ്യമന്ത്രിക്ക് കത്തെഴുതിയി രുന്നു.