ഉണ്ണി മുകുന്ദനെതിരായ പരാതിയിലുള്ള തുടർനടപടികൾക്കു സ്റ്റേ
02:02 AM Jun 19, 2018 | Deepika.com
കൊച്ചി: നടൻ ഉണ്ണി മുകുന്ദനെതിരായ പരാതിയിന്മേലുള്ള തുടർ നടപടികൾ എറണാകുളം ജില്ലാ കോടതി സ്റ്റേ ചെയ്തു. ഉണ്ണിമുകുന്ദൻ തന്നെ അപകീർത്തിപ്പെടുത്താനും ഭീഷണിപ്പെടുത്താനും ശ്രമിച്ചെന്നാരോപിച്ചും കേസെടുക്കണമെന്നാവശ്യപ്പെട്ടും കോട്ടയം സ്വദേശിനിയായ യുവതി നൽകിയ സ്വകാര്യ അന്യായത്തിലുള്ള തുടർ നടപടികളാണു കോടതി തടഞ്ഞത്. കേസിൽ പരാതിക്കാരിയേയും സാക്ഷികളേയും ക്രോസ് വിസ്താരം ചെയ്യാൻ അനുവദിക്കണമെന്ന ഉണ്ണി മുകുന്ദന്റെ അഭിഭാഷകന്റെ ആവശ്യം മജിസ്ട്രേറ്റ് നിരാകരിച്ചതിനെത്തുടർന്നാണു ജില്ലാ കോടതിയെ സമീപിച്ചത്.