തിരുവനന്തപുരം : സർക്കാർ ഡെന്റൽ കോളജുകളിലെയും സർക്കാർ നിയന്ത്രിത/സ്വകാര്യ സ്വാശ്രയ ഡെന്റൽ കോളജുകളിലേയും ഒഴിവു വരുന്ന സീറ്റുകളിലേക്കുള്ള സ്പോട്ട് അഡ്മിഷൻ 29നു രാവിലെ 9.30 മുതൽ തിരുവനന്തപുരം സർക്കാർ മെഡിക്കൽ കോളജ് കാമ്പസിലെ സി.ഒ. കരുണാകരൻ ഓഡിറ്റോറിയത്തിൽ നടക്കും.
കേരള സ്റ്റേറ്റ് റാങ്ക് ലിസ്റ്റിൽ ഉൾപ്പെട്ടവർ www.cee.keral a.gov.in എന്ന വെബ്സൈറ്റിലെ പിജി ഡെന്റൽ 2018-കാൻഡിഡേറ്റ് പോർട്ടലിൽ ആപ്ലിക്കേഷൻ നമ്പരും പാസ്വേഡും നൽകി പ്രവേശിച്ച് സ്പോട്ട് അഡ്മിഷൻ സ്ലിപ് എന്ന ലിങ്കിൽ നിന്നും സ്ലിപ് ഡൗണ്ലോഡ് ചെയ്തെടുക്കണം. 28നു വൈകുന്നേരം അഞ്ചുവരെ മാത്രമായിരിക്കും ഈ സൗകര്യം ഉണ്ടാവുക. അഡ്മിഷന് സ്പോട്ട് അഡ്മിഷൻ സ്ലിപ് നിർബന്ധമായി ഹാജരാക്കണം. കൂടുതൽ വിവരങ്ങൾക്ക് ഫോണ് : 0471-2339101, 102, 103, 104.
പിജി ഡെന്റൽ: സ്പോട്ട് അഡ്മിഷൻ 29ന്
01:31 AM May 24, 2018 | Deepika.com