വരാപ്പുഴ: വരാപ്പുഴയിൽ പോലീസ് മർദനത്തിൽ മരിച്ച ശ്രീജിത്തിന്റെ വീട് ത്രിപുര മുഖ്യമന്ത്രി ബിപ്ലവ് കുമാർ ദേവ് നാളെ സന്ദർശിക്കും. ചെങ്ങന്നൂർ തെരഞ്ഞെടുപ്പ് പ്രചാരണത്തിന്റെ ഭാഗമായി കേരളത്തിൽ എത്തവെയാണ് ത്രിപുര മുഖ്യമന്ത്രി ശ്രീജിത്തിന്റെ വീട് സന്ദർശിക്കുക. ഇന്ന് രാത്രിയോടെ എത്തുന്ന ബിപ്ലവ്കുമാർ ദേവ് നാളെ രാവിലെ എട്ടോടെ വരാപ്പുഴയിലെ ശ്രീജിത്തിന്റെ വീട്ടിൽ സന്ദർശനം നടത്തിയ ശേഷം ചെങ്ങന്നൂരിലേക്ക് പോകുമെന്നാണ് വിവരം ലഭിച്ചിരിക്കുന്നത്. എന്നാൽ, ലോക്കൽ പോലീസിനു ത്രിപുര മുഖ്യമന്ത്രിയുടെ സന്ദർശനം സംബന്ധിച്ചുള്ള വിവരം ലഭിച്ചിട്ടില്ല.
സുരക്ഷാ ക്രമീകരണങ്ങളുടെ മുന്നോടിയായി വരാപ്പുഴ വേസ്വ പാടത്ത് ഇന്നലെ മൂന്നോടെ ത്രിപുര ഐജി ഉൾപ്പെടെയുള്ള ഉന്നതതല പോലീസ് സംഘം ശ്രീജിത്തിന്റെ വീടും പരിസരവും നിരീക്ഷിച്ചു. ആലുവ റൂറൽ പോലീസിൽനിന്നുള്ള സംഘവും ഒപ്പമുണ്ടായിരുന്നു.
ശ്രീജിത്തിന്റെ വീട് ത്രിപുര മുഖ്യമന്ത്രി സന്ദർശിക്കും
01:37 AM May 23, 2018 | Deepika.com