ഭരണപരാജയത്തിന്റെ രണ്ടാം വാർഷികം: വി.എം. സുധീരൻ
11:50 PM May 18, 2018 | Deepika.com
തിരുവനന്തപുരം: സന്പൂർണ ഭരണപരാജയത്തിന്റെ രണ്ടാം വാർഷികമാണ് പിണറായി വിജയൻ നേതൃത്വം നൽകുന്ന ഇടതുപക്ഷ ജനാധിപത്യമുന്നണി സർക്കാർ ആഘോഷമാക്കുന്നതെന്നു വി.എം. സുധീരൻ. ദിശാബോധം നഷ്ടപ്പെട്ട മന്ത്രിസഭയ്ക്ക് ഒരു മേഖലയിലും കേരളത്തെ മുന്നോട്ടു കൊണ്ടുപോകാനായില്ല. ജനദ്രോഹ നടപടികളിൽ സർവകാല റിക്കാർഡാണ് ഈ സർക്കാരിന്റേത്.യഥാർഥത്തിൽ കേരളത്തിലേത് ഇടതുപക്ഷ സർക്കാരല്ല; മറിച്ച് മുതലളിത്തപക്ഷ ജനമർദക സർക്കാരാണെന്ന് അദ്ദേഹം പറഞ്ഞു.ജനങ്ങൾക്ക് സമാധാനത്തോടെ ജീവിക്കാനുള്ള സാഹചര്യം ഒരുക്കലാണ് ഏതൊരു സർക്കാരിന്റെയും പ്രഥമവും പ്രധാനവുമായ ചുമതലയെന്നും അദ്ദേഹം പറഞ്ഞു.