പാലാ: പാചകവാതക സിലണ്ടറിൽനിന്നും തീപിടിച്ച് റബർ വ്യാപാരി മരിച്ച നിലയിൽ. കിടങ്ങൂർ സൗത്ത് പ്ലാമൂട് കവലക്കുസമീപം ഇടുക്കി തെക്കേടത്ത് സെൻസാ(50)ണു മരിച്ചത്. ഇന്നലെ ഉച്ചകഴിഞ്ഞു മൂന്നോടെയായിരുന്നു സംഭവം.
വീട്ടിൽനിന്നും പുക ഉയരുന്നത് ശ്രദ്ധയിൽപെട്ട നാട്ടുകാർ ജനലിലും വാതിലിലും തട്ടിവിളിച്ചെങ്കിലും പൂട്ടിയ നിലയിലായിരുന്നു. തുടർന്നു പോലീസിലും ഫയർഫോഴ്സിലും വിവരം അറിയിക്കുകയായിരുന്നു. ഇവരെത്തി വാതിൽ തകർത്ത് അകത്തു കടന്നപ്പോഴാണു പൊള്ളലേറ്റു മരിച്ച നിലയിൽ സെൻസിനെ കണ്ടെത്തിയത്. ഇസ്രായേലിൽ ജോലിചെയ്യുന്ന സെസിലിന്‍റെ ഭാര്യ ജോളി 17നാണ് നാട്ടിലെത്തിയത്. രാവിലെ 11.30നു മക്കളെയും കൂട്ടി ജോളി കിടങ്ങൂർ കൊന്പനാംകുന്നിലുള്ള ഭർതൃമാതാപിതാക്കളുടെ വീട്ടിലേക്കുപോയ സമയത്തായിരുന്നു അപകടം. ജോളി ചക്കാന്പുഴ കിഴക്കേപ്പുറത്ത് കുടുംബാംഗമാണ്. മക്കൾ: ജസ്റ്റിൻ, ഹർഷ. മൃതദേഹം കോട്ടയം മെഡിക്കൽ കോളജിലേക്കു മാറ്റി. സംസ്കാരം പിന്നീട്.
പോലീസ് നടത്തിയ പരിശോധനയിൽ ജീവനൊടുക്കിയതാണെന്ന് സംശയിക്കുന്നതായി സിഐ രാജൻ കെ. അരമന പറഞ്ഞു.
വ്യാപാരിയെ പൊള്ളലേറ്റു മരിച്ച നിലയിൽ കണ്ടെത്തി
12:10 AM Apr 19, 2018 | Deepika.com