ആളൂരിനെതിരേ കോടതിയലക്ഷ്യ നടപടി
03:05 AM Mar 22, 2018 | Deepika.com
കൊച്ചി: നിയമവിദ്യാർഥിനിയെ കൊലപ്പെടുത്തിയ കേസിൽ വിധി പ്രസ്താവിച്ച ജഡ്ജിക്കെതിരേ പരാമർശം നടത്തിയതിന് അഭിഭാഷകൻ ബി.എ. ആളൂരിനെതിരേ കോടതിയലക്ഷ്യ നടപടിയാരംഭിച്ചു. പരാമർശം കോടതിയലക്ഷ്യമാണെന്നു ചൂണ്ടിക്കാട്ടി എൻ.എ. ഷഫീഖ് സമർപ്പിച്ച പരാതി പരിഗണിച്ചാണ് എറണാകുളം സെഷൻസ് കോടതിയുടെ നടപടി. പരാമർശം കോടതിയലക്ഷ്യമാണെന്നു വിലയിരുത്തിയ സെഷൻസ് കോടതി തുടർ നടപടികൾക്കായി ഹൈക്കോടതിക്ക് ശിപാർശ നൽകി.