ടെല് അവീവ്: ഇസ്രയേലിലുണ്ടായ മിസൈല് ആക്രമണത്തില് മലയാളി യുവതിയ്ക്ക് പരിക്ക്. കണ്ണൂര് ശ്രീകണ്ഠാപുരം വളക്കൈ സ്വദേശി ഷീജ ആനന്ദിനാണ് പരിക്കേറ്റത്.
പ്രാദേശിക സമയം ശനിയാഴ്ച ഉച്ചയ്ക്കുണ്ടായ ആക്രമണത്തിലാണ് ഷീജയ്ക്ക് പരിക്കേറ്റത്. കാലിനു പരിക്കേറ്റ ഷീജയെ ബെര്സാലൈയിലെ ആശുപത്രിയിലേക്ക് മാറ്റി.
വടക്കന് ഇസ്രയേലിലെ അഷ്കിലോണില് ഏഴ് വര്ഷമായി കെയര് ടേക്കറായി ജോലി ചെയ്യുകയായിരുന്നു ഷീജ. വീട്ടിലേക്ക് വീഡിയോ കോളില് സംസാരിക്കുന്നതിനിടെയാണ് ആക്രമണം ഉണ്ടായത്. ആക്രമണത്തിൽ ഇവര് ജോലി ചെയ്യുന്ന വീട്ടുകാര്ക്കും പരിക്കേറ്റു.
ഇസ്രയേലിലുണ്ടായ മിസൈൽ ആക്രമണത്തിൽ മലയാളി യുവതിക്ക് പരിക്ക്
10:15 PM Oct 08, 2023 | Deepika.com