കൊച്ചി: കോളജ് വിദ്യാർഥികൾക്കിടയിലടക്കം മയക്കുമരുന്ന് വിൽപ്പന നടത്തിവന്ന സംഘത്തിലെ രണ്ടു പേർ എക്സൈസ് പിടിയിൽ.
എറണാകുളം എളംകുളം ഐശ്വര്യ ലൈനില് പണ്ടാതുരുത്തി വീട്ടില് വിഷ്ണു പ്രസാദ് (29), ഏലൂര് ഡിപ്പോ സ്വദേശി പുന്നക്കല് വീട്ടില് ടോമി ജോര്ജ്(35) എന്നിവരാണ് പിടിയിലായത്. നൈട്രാസെപാം എന്ന മയക്കു മരുന്നുമായിട്ടാണ് ഇവരെ എക്സൈസ് പിടികൂടിയത്.
എറണാകുളം എന്ഫോഴ്സ്മെന്റ് അസി. കമ്മീഷണറുടെ സ്പെഷ്യല് ആക്ഷന് ടീമിന്റെയും, എക്സൈസ് ഇന്റലിജൻസിന്റെയും, എക്സൈസ് സ്പെഷ്യല് സ്ക്വാഡിന്റെയും നീക്കത്തിലാണ് പ്രതികള് പിടിയിലായത്. കോടതിയില് ഹാജരാക്കിയ പ്രതികളെ റിമാൻഡ് ചെയ്തു.
ഇവരുടെ രണ്ട് സ്മാര്ട്ട് ഫോണുകളും ടോമിയുടെ ഇരുചക്ര വാഹനവും എക്സൈസ് കസ്റ്റഡിയില് എടുത്തു. ഏറെ നാളുകളായി മയക്കു മരുന്ന് ഗുളികകള് വില്പ്പന നടത്തി വന്നിരുന്ന ഇവര് ഒരുമിച്ച് പിടിയിലാവുന്നത് ഇത് ആദ്യമാണ്. 'പടയപ്പ ബ്രദേഴ്സ്' എന്ന പ്രത്യേക തരം കോഡില് ആണ് ഇവര് വന്തോതില് മയക്കു മരുന്ന് ഗുളികകള് വിറ്റഴിച്ചിരുന്നത്.
മയക്കുമരുന്ന് ഗുളികകളുടെ വിൽപ്പന; പടയപ്പ ബ്രദേഴ്സ് പിടിയിൽ
07:41 AM Oct 08, 2023 | Deepika.com