ചെങ്ങന്നൂർ: ചെങ്ങന്നൂർ ഉപതെരഞ്ഞെടുപ്പിൽ യുഡിഎഫ് സ്ഥാനാർഥിയായി മുൻ എംഎൽഎ എം. മുരളിയ്ക്കു സാധ്യത. മൂന്നു തവണ മാവേലിക്കര മണ്ഡലത്തെ പ്രതിനിധീകരിച്ച എം. മുരളിയെത്തന്നെ സ്ഥാനാർഥിയാക്കണമെന്നതാണ് യുഡിഎഫ് ഉപരിഘടകത്തിന്റെ തീരുമാനം. എന്നാൽ, ഹൈക്കമാൻഡിന്റെ അംഗീകാരത്തിനായി കാത്തിരിക്കയാണ്.
നിലവിൽ യുഡിഎഫിന്റെ ആലപ്പുഴ ജില്ല ചെയർമാനാണ് ഇദ്ദേഹം. കഴിഞ്ഞ തെരഞ്ഞെടുപ്പിൽ കെ.കെ. ആറിന്റെ കൂടെ മത്സരിച്ചു പരാജയപ്പെട്ട പി.സി. വിഷ്ണുനാഥിന്റെ പേരായിരുന്നു തുടക്കം മുതൽ പരിഗണനയിൽ ഉണ്ടായിരുന്നത്. എന്നാൽ, കർണാടക തെരഞ്ഞെടുപ്പിന്റെ ചുമതലയുള്ള എഐസിസി സെക്രട്ടറി ആയതിനാൽ മത്സരിക്കാൻ കഴിയില്ലെന്ന് കെപിസിസി നേതൃത്വത്തെ വിഷ്ണുനാഥ് അറിയിച്ചിരുന്നു. തുടർന്നാണ് മറ്റ് നിരവധി പേരുകൾ രംഗത്തു വന്നത്. എന്നാൽ, അതിൽ മുരളിക്കു മുൻ തൂക്കം ലഭിക്കുകയായിരുന്നു.
ചെങ്ങന്നൂർ: യുഡിഎഫിൽ എം. മുരളിക്കു സാധ്യത
12:27 AM Feb 28, 2018 | Deepika.com