തൃശൂർ: സംസ്ഥാനത്ത് സൗരോർജ്ജത്തിൽനിന്ന് 500 മെഗാവാട്ട് വൈദ്യുതി ഉത്പാദിപ്പിക്കാൻ ലക്ഷ്യമുണ്ടെന്ന് മന്ത്രി എം.എം. മണി. കോർപറേഷനിൽ ഉൗർജക്ഷമതയുളള ഉപകരണങ്ങളുടെ വിതരണം ഉദ്ഘാടനം ചെയ്യുകയായിരുന്നു അദ്ദേഹം. കാറ്റിൽനിന്ന് പരമാവധി വൈദ്യുതി ഉത്പാദിപ്പിക്കാനും ലക്ഷ്യമുണ്ട്.
സോളാർ പ്ലാന്‍റുകൾ സർക്കാർ സ്ഥാപനങ്ങൾക്കും പുതിയ വീടുകൾക്കും മുകളിൽ സ്ഥാപിച്ച് വൈദ്യുതി ഉത്പാദിപ്പിക്കും. ചെലവുകുറച്ച് കൂടുതൽ വൈദ്യുതി ഉത്പാദിപ്പിക്കാനാണ് ലക്ഷ്യമെന്നും അദ്ദേഹം പറഞ്ഞു.സംസ്ഥാനത്ത് 14 ശതമാനം വൈദ്യുതി പാഴായിപ്പോകുന്നുണ്ട്. സാങ്കേതികവിദ്യ പ്രയോജനപ്പെടുത്തി ഇതു കുറയ്ക്കാനുള്ള കർമപദ്ധതികൾക്കും വൈദ്യുതി ബോർഡ് രൂപം നൽകിയിട്ടുണ്ടെന്നും മന്ത്രി പറഞ്ഞു.
സോളാറിൽനിന്ന് 500 മെഗാവാട്ട് വൈദ്യുതി: മന്ത്രി മണി
01:15 AM Feb 24, 2018 | Deepika.com