കൊച്ചി: കേരള ജൂജിറ്റ്സു അസോസിയേഷന്റെയും തേവര സേക്രഡ് ഹാർട്ട് കോളജിന്റെയും ആഭിമുഖ്യത്തിൽ നടത്തുന്ന ദേശീയ ജൂജിറ്റ്സു(പുരാതന ജാപ്പനീസ് ആയോധനകല) ചാന്പ്യൻഷിപ്പ് 31 മുതൽ ഫെബ്രുവരി അഞ്ചുവരെ നടക്കും.സേക്രഡ് ഹാർട്ട് കോളജിൽ നടക്കുന്ന ചാന്പ്യൻഷിപ്പിൽ വിവിധ സംസ്ഥാനങ്ങളിൽ നിന്നായി 500 പരം കായിരതാരങ്ങൾ പങ്കെടുക്കുമെന്ന് അസോസിയേഷൻ സംസ്ഥാന പ്രസിഡന്റ് റോജി എം. ജോണ് എംഎൽഎ പത്രസമ്മേളനത്തിൽ പറഞ്ഞു.
കേരളത്തിൽ നിന്നുള്ള 50 കായിരതാരങ്ങളാണു മത്സരത്തിൽ പങ്കെടുക്കുക. ജക്കാർത്തയിൽ നടക്കുന്ന ഏഷ്യൻ ഗെയിംസിലേക്കും അബുദാബിയിൽ നടക്കുന്ന വേൾഡ് ജൂണിയർ ജൂജിറ്റ്സു ചാന്പ്യൻഷിപ്പിലേക്കുമുള്ള ഇന്ത്യൻ ടീമിലേക്കുള്ള സെലക്ഷൻകൂടിയാണിത്. പത്രസമ്മേളനത്തിൽ നാഷണൽ ജൂജിറ്റ്സു അസോസിയേഷൻ പ്രിസിഡന്റ് സുരേഷ് ഗോപി, തേവര എസ്എച്ച് കോളജ് ഫിസിക്കൽ എഡ്യൂക്കേഷൻ വിഭാഗം മേധാവി ഡോ. കെ.എ. രാജു, ജനറൽ സെക്രട്ടറി തെസ്നി വർഗീസ് എന്നിവരും പങ്കെടുത്തു.
ദേശീയ ജൂജിറ്റ്സു ചാന്പ്യൻഷിപ്പ് 31 മുതൽ തേവര കോളജിൽ
01:21 AM Jan 21, 2018 | Deepika.com