തിരുവനന്തപുരം: ഓഖി ദുരന്തത്തിനിരയായ മത്സ്യത്തൊഴിലാളി കുടുംബങ്ങളുടെ പുനരധിവാസം ഉറപ്പാക്കുന്നതിന് നിയമസാധുതയോടുകൂടിയ സർക്കാർ ഉത്തരവ് ഉടൻ പുറപ്പെടുവിക്കണമെന്ന് കേരള റീജണൽ ലാറ്റിൻ കാത്തലിക് കൗണ്സിൽ. കെആർഎൽസിസി 31-ാം ജനറൽ അസംബ്ലിയോട് അനുബന്ധിച്ച് പുറത്തിറക്കിയ രാഷ്ട്രീയ പ്രമേയത്തിലാണ് ഈ ആവശ്യം.
കാണാതായ മത്സ്യത്തൊഴിലാളികളുടെ കുടുംബങ്ങൾക്ക് ആനുകൂല്യങ്ങൾ ലഭിക്കുന്നതിനു തടസമായി നില്ക്കുന്ന നിയമവ്യവസ്ഥകളിൽ ആവശ്യമായ മാറ്റങ്ങൾ വരുത്തി പുനരധിവാസ -സാമ്പത്തിക പാക്കേജ്, സർക്കാർ പ്രഖ്യാപിച്ചിട്ടുള്ള തൊഴിൽ എന്നിവ ഉടൻ ലഭ്യമാക്കണം.
ദുരിതാശ്വാസ ഫണ്ടിന്റെ വിനിയോഗം കൃത്യമായ കാലയളവിൽ വിലയിരുത്തുന്നതിന് ജില്ലാ മത്സ്യഗ്രാമതലത്തിൽ പ്രത്യേക സമിതി രൂപീകരിക്കണമെന്നും ഫണ്ട് വിനിയോഗത്തിന് ജുഡീഷൽ കമ്മീഷന്റെ മേൽനോട്ടമുണ്ടാകണമെന്നും കൗണ്സിൽ ആവശ്യപ്പെട്ടു.
ഓഖി: സർക്കാർ ഉത്തരവ് അടിയന്തരമായി ഇറക്കണമെന്നു കെആർഎൽസിസി
01:25 AM Jan 15, 2018 | Deepika.com