ഉദയഭാനുവിനു മൂന്നു ദിവസത്തെ ഇടക്കാല ജാമ്യം
12:40 AM Dec 14, 2017 | Deepika.com
കൊച്ചി: റിയൽ എസ്റ്റേറ്റ് ഇടനിലക്കാരൻ രാജീവിനെ കൊലപ്പെടുത്തിയ കേസിൽ പ്രതിയായ അഭിഭാഷകൻ സി.പി. ഉദയഭാനുവിനു ഹൈക്കോടതി മൂന്നു ദിവസത്തെ ഇടക്കാല ജാമ്യം അനുവദിച്ചു. ഭാര്യാപിതാവ് ചൊവ്വാഴ്ച മരിച്ചതിനെത്തുടർന്നാണ് ഉദയഭാനു ഇടക്കാല ജാമ്യം തേടിയത്. മരണാനന്തര ചടങ്ങിൽ പങ്കെടുക്കാനായി അനുമതി തേടിയ ഹർജി ഹൈക്കോടതി അനുവദിച്ചു. ഒരു ലക്ഷം രൂപ ബോണ്ട് വ്യവസ്ഥയിലാണ് ഇന്നു രാവിലെ പത്തു മുതൽ 17ന് രാവിലെ പത്തു വരെ ജാമ്യം അനുവദിച്ചത്.