മാന്നാനം: ചാവറയച്ചന്‍റെ വിശുദ്ധ പദവി പ്രഖ്യാപനത്തിന്‍റെ മൂന്നാം വാർഷിക ആഘോഷ ചടങ്ങുകൾ ഇന്നലെ മാന്നാനം സെന്‍റ് ജോസഫ്സ് പള്ളിയിൽ നടന്നു. കെ.ഇ.സ്കൂൾ അങ്കണത്തിൽനിന്ന് 10നു പുറപ്പെട്ട പദയാത്ര തിരുവനന്തപുരം സെന്‍റ് ജോസഫ് പ്രവിശ്യാധിപൻ ഫാ.സെബാസ്റ്റ്യൻ ചാമത്തറ സിഎംഐ ഫ്ളാഗ് ഓഫ് ചെയ്തു.
പദയാത്ര 11.30നു മാന്നാനം പള്ളിയിൽ എത്തിച്ചേർന്നതിനെത്തുടർന്ന് സിഎംഐ പ്രിയോർ ജനറാൾ റവ.ഡോ.പോൾ ആച്ചാണ്ടി യുടെ കാർമികത്വത്തിൽ വിശുദ്ധ കുർബാനയും നൊവേനയും നടത്തപ്പെട്ടു. തിരുക്കർമങ്ങളിൽ ജനറൽ കൗണ്‍സിലർമാരായ ഫാ. സാജു ചക്കാലയ്ക്കൽ സിഎംഐ, ഫാ. ആന്‍റണി ഇളംതോട്ടം സിഎംഐ, ഫാ.സെബാസ്റ്റ്യൻ ചാമത്തറ സിഎംഐ, മാന്നാനം സെന്‍റ് ജോസഫ് ആശ്രമാധിപൻ ഫാ.സ്കറിയ എതിരേറ്റ് സിഎംഐ, വിവിധ സ്കൂൾ മാനേജർമാർ, പ്രിൻസിപ്പ ൽമാർ, വൈദികർ, അധ്യാപകർ തുടങ്ങിയവർ പങ്കെടുത്തു.
തിരുവനന്തപുരം സെന്‍റ് ജോസഫ് പ്രൊവിൻസിന്റെ കീഴിലുള്ള എല്ലാ വിദ്യാഭ്യാസ സ്ഥാപനങ്ങളിൽനിന്നുമുള്ള കുട്ടികൾ റാലിയിൽ പങ്കെടുത്തു. ബോർഡ് പരീക്ഷകൾക്കൊരുങ്ങുന്ന കുട്ടികൾക്കായുള്ള പ്രത്യേക പ്രാർഥനയ്ക്കു ചീപ്പുങ്കൽ സെന്‍റ് മേരീസ് ധ്യാനകേന്ദ്രത്തിന്‍റെ ഡയറക്ടർ ഫാ. പോൾ വടക്കേമുറി സിഎംഐ. നേതൃത്വം നൽകി. തുടർന്നു നേർച്ചഭക്ഷണ വിതരണവും നടന്നു.
വിശുദ്ധപദ പ്രഖ്യാപനത്തിന്‍റെ ഒാർമയിൽ നിറഞ്ഞ് മാന്നാനം
01:18 AM Nov 24, 2017 | Deepika.com