കൊച്ചി: കായൽ കൈയേറ്റവുമായി ബന്ധപ്പെട്ട് ഇപ്പോഴുണ്ടായിട്ടുള്ള പ്രശ്നങ്ങളുടെ പേരിൽ തോമസ് ചാണ്ടി മന്ത്രി സ്ഥാനം രാജിവയ്ക്കേണ്ട സാഹചര്യമില്ലെന്നു എൻസിപി സംസ്ഥാന പ്രസിഡന്റ് ടി.പി. പീതാംബരൻ. ഇതുവരെ തോമസ് ചാണ്ടിയുടെ രാജി ആവശ്യം പാർട്ടിയിൽ ഉയർന്നിട്ടില്ല. അതുകൊണ്ടുതന്നെ പാർട്ടി ചർച്ച ചെയ്തിട്ടില്ല. സിപിഎം ഇത്തരത്തിൽ ഒരാവശ്യം മുന്നോട്ടു വച്ചിട്ടില്ലെന്നും കൊച്ചിയിൽ മാധ്യമങ്ങളോടു സംസാരിക്കവെ അദ്ദേഹം ചൂണ്ടിക്കാട്ടി.
തോമസ് ചാണ്ടിക്ക് സംഭവത്തിൽ പങ്കുണ്ടെന്ന് ഇതുവരെ തെളിഞ്ഞിട്ടില്ലാത്തതിനാൽ ഇതു പാർട്ടിയുടെ പ്രതിച്ഛായയെ ബാധിച്ചിട്ടില്ല. വിഷയത്തിൽ മുഖ്യമന്ത്രിക്ക് വ്യക്തമായ ബോധ്യമുണ്ട്. അദ്ദേഹം ഇത് സംബന്ധിച്ച് ഒന്നും പ്രതികരിച്ചിട്ടില്ല.
കുറ്റവിമുക്തനായാൽ എ.കെ. ശശീന്ദ്രൻ വീണ്ടും മന്ത്രിയാകുമെന്നത് മുൻപേ പാർട്ടി വ്യക്തമാക്കിയിട്ടുള്ളതാണ്. അത് തോമസ് ചാണ്ടിക്കും അറിവുള്ളതാണെന്നും ടി.പി. പീതാംബരൻ പറഞ്ഞു.
തോമസ് ചാണ്ടി രാജിവയ്ക്കേണ്ട സാഹചര്യമില്ല: ടി.പി. പീതാംബരൻ
12:47 AM Nov 12, 2017 | Deepika.com