താമരശേരി: ഗ്രാമപഞ്ചായത്ത് സെക്രട്ടറി മിഥുൻ കൈലാസിനെ കാണില്ലെന്ന് താമരശേരി ഗ്രാമപഞ്ചായത്ത് പ്രസിഡന്റ് കെ. സരസ്വതി താമരശേരി പോലീസിൽ പരാതി നൽകി. കഴിഞ്ഞ 23 ന് ഉച്ചകഴിഞ്ഞ് കാണ്മാനില്ലെന്നാണ് പരാതിയിൽ പറയുന്നത്.
ഗ്രാമപഞ്ചായത്ത് ഓഫീസിൽ ഹാജരാകുമെന്ന പ്രതീക്ഷയിലാണ് പരാതി നൽകാൻ വൈകിയത്. സെക്രട്ടറി ഡിഡിപിക്ക് അവധി അപേക്ഷ നൽകിയിരുന്നെങ്കിലും 27 ന് നിരസിച്ചുകൊണ്ട് ഉത്തരവായിട്ടുണ്ട്.
സെക്രട്ടറിയുടെ ഔദ്വോഗിക സിംകാർഡ് മറ്റൊരാളുടെ കൈവശം ഓഫീസിലേക്ക് കൊടുത്തു വിടുകയായിരുന്നു. മറ്റ് അവധികൾക്ക് അപേക്ഷിച്ചതായി അിറയില്ലെന്നും പ്രസിഡന്റ് നൽകിയ പരാതിയിൽ പറയുന്നു.
അതേസമയം കഴിഞ്ഞ 23 ന് ഡിഡിപിക്ക് ജൂണ് 20 വരെ അവധിക്ക് അപേക്ഷ നൽകുകയും 24, 25 തിയ്യതികളിൽ ഓഫീസിൽ ഡ്യൂട്ടിയിൽ ഉണ്ടായിരുന്നെന്നും അവധി നിരസിച്ചതായി തന്നെ അറിയിച്ചിട്ടില്ലെന്നും സെക്രട്ടറി പറഞ്ഞു.
സെക്രട്ടറിയെ കാണാനില്ലെന്ന് പ്രസിഡന്റിന്റെ പരാതി
12:31 AM May 31, 2017 | Deepika.com