കൊച്ചി: വരാപ്പുഴ അതിരൂപതയുടെ നേതൃത്വത്തിൽ "ഉദയംപേരൂർ സൂനഹദോസ്-ഇന്ത്യൻ നവോത്ഥാനത്തിന് ഒരാമുഖം’ എന്ന വിഷയത്തിൽ 10, 11 തീയതികളിലായി എറണാകുളം ആശിർഭവനിൽ നടക്കുന്ന ദ്വിദിന ദേശീയ സെമിനാറിന് ഒരുക്കങ്ങളായി. ഇന്ത്യയുടെ വിവിധ ഭാഗങ്ങളിൽനിന്നുള്ള 200 ഓളം പ്രതിനിധികൾ ചരിത്ര സെമിനാറിൽ പങ്കെടുക്കുമെന്നു കെസിബിസി പ്രസിഡന്റ് ആർച്ച്ബിഷപ് ഡോ. എം. സൂസപാക്യം പത്രസമ്മേളനത്തിൽ പറഞ്ഞു.
കെആർഎൽസിബിസി ഹെറിറ്റേജ് കമ്മീഷൻ, കേരള ലാറ്റിൻ കാത്തലിക് ഹിസ്റ്ററി അസോസിയേഷൻ, ജോണ് ഓച്ചന്തുരുത്ത് മെമ്മോറിയൽ അക്കാഡമി ഓഫ് ഹിസ്റ്ററി എന്നിവയുടെ സംയുക്താഭിമുഖ്യത്തിലാണു പരിപാടി സംഘടിപ്പിച്ചിട്ടുള്ളത്. പത്തിനു രാവിലെ 11നു കേരള ഹിസ്റ്ററി അസോസിയേഷൻ പ്രസിഡന്റ് കെ.എൽ. മോഹനവർമ സെമിനാർ ഉദ്ഘാടനം ചെയ്യും. ആർച്ച്ബിഷപ് ഡോ. ജോസഫ് കളത്തിപ്പറന്പിൽ അധ്യക്ഷത വഹിക്കും. ഗോവ, ദാമൻ ആർച്ച്ബിഷപ് ഡോ. ഫിലിപ്പ് നേരി ഫെറാവോ മുഖ്യപ്രഭാഷണം നടത്തും.
ഉച്ചകഴിഞ്ഞു നടക്കുന്ന സെമിനാറിൽ ഡോ. രാജൻ ഗുരുക്കൾ, റവ. ഡോ. മരിയാൻ അറയ്ക്കൽ, ഡോ. പി.ജെ. മൈക്കിൾ തരകൻ എന്നിവർ പ്രബന്ധങ്ങൾ അവതരിപ്പിക്കും. മുൻ എംപി ഡോ. ചാൾസ് ഡയസ് മോഡറേറ്ററായിരിക്കും.
വൈകിട്ട് ആറിന് നടക്കുന്ന സെഷനിൽ ഡോ. സ്കറിയ സക്കറിയ, ഡോ. എൻ. സാം, ജെക്കോബി എന്നിവർ പ്രബന്ധങ്ങൾ അവതരിപ്പിക്കും. മോഡറേറ്റർ: ഡോ. ഐറിസ് കൊയ് ലോ.
11നു രാവിലെ ഒന്പതിന് നടക്കുന്ന സെഷനിൽ ഡോ. ഫ്രാൻസിസ് തോണിപ്പാറ, റവ.ഡോ. ആന്റണി പാട്ടപ്പറന്പിൽ എന്നിവരും 11.30നുള്ള സെഷനിൽ ഡോ. ഏബ്രഹാം അറയ്ക്കൽ, ഡോ. സിസ്റ്റർ തെരേസ എന്നിവരും പ്രബന്ധങ്ങൾ അവതരിപ്പിക്കും. ഇഗ്നേഷ്യസ് ഗൊണ്സാൽവസ്, ഡോ. സി. ഫ്രാൻസിസ് എന്നിവർ യഥാക്രമം മോഡറേറ്റർമാരായിരിക്കും.
വൈകുന്നേരം 4.30ന് നടക്കുന്ന സമാപനസമ്മേളനത്തിൽ ആർച്ച്ബിഷപ് ഡോ. എം. സൂസപാക്യം അധ്യക്ഷത വഹിക്കും. ശശിതരൂർ എംപി, പ്രഫ. റിച്ചാർഡ് ഹേ എംപി എന്നിവർ ആശംസകളർപ്പിക്കും. കൊച്ചി ബിഷപ് ഡോ. ജോസഫ് കരിയിൽ അനുഗ്രഹപ്രഭാഷണം നടത്തും. ആർച്ച്ബിഷപ് ഡോ. കളത്തിപ്പറന്പിൽ, ബിഷപ് ഡോ. അലക്സ് വടക്കുംതല, റവ. ഡോ. ആന്റണി പാട്ടപ്പറന്പിൽ, ഫാ. ഫ്രാൻസിസ് സേവ്യർ താന്നിക്കാപ്പറന്പിൽ, ഷെവ. ഡോ. ഏബ്രഹാം അറയ്ക്കൽ, ഫാ. ആന്റണി വിബിൻ സേവ്യർ വേലിക്കകത്ത് എന്നിവരും പത്രസമ്മേളനത്തിൽ പങ്കെടുത്തു.
ഉദയംപേരൂർ സൂനഹദോസ് ദേശീയ സെമിനാർ 10 മുതൽ കൊച്ചിയിൽ
12:43 AM Nov 07, 2017 | Deepika.com